(Видео) Нова ескалација во Оманскиот Залив: Американски ракети погодија трет танкер

Американските сили соопштија дека онеспособиле уште еден танкер во Оманскиот Залив, откако, според тврдењата на Централната команда на САД (ЦЕНТКОМ), го прекршил поморскиот режим на блокада кон Иран, обидувајќи се да превезува иранска нафта.

— реклама —

Станува збор за танкерот „М/Т Џалвир“, кој плови под знамето на Гвинеја Бисао. Според ЦЕНТКОМ, американски воен авион испукал две ракети „Хелфајр“ кон машинскиот простор на бродот, откако екипажот наводно повеќепати не ги почитувал наредбите на американските сили.

Од американската команда објавија и видеоснимка од нападот, наведувајќи дека ова е трет комерцијален брод онеспособен во текот на неделава.

— реклама —

Претходно, американските сили дејствуваа и против танкерите „М/Т Маривекс“ и „М/Т Сетебело“, кои, според Вашингтон, исто така ја прекршиле блокадата преку обиди за транспорт на иранска нафта или пловидба кон ирански пристаништа.

— реклама —

Според ЦЕНТКОМ, од почетокот на блокадата на 13 април досега биле онеспособени девет пловила кои не ги почитувале инструкциите на американските сили, 135 бродови биле пренасочени, а на 42 пловила што превезувале хуманитарна помош им бил дозволен премин.

Американската војска тврди дека мерките се применуваат подеднакво кон сите пловила што влегуваат или испловуваат од иранските пристаништа во Арапскиот и Оманскиот Залив, без оглед на нивното знаме.