(Видео) Нова година на плоштад во Скопје само со македонска музика: познати имињата на дел од изведувачите!

Одговарајќи на прашање од советничката Кети Шетрјова од СДСМ, градоначалникот на Скопје соопшти дека градот ќе организира новогодишна прослава на плоштадот, а дел од настапувачите веќе се познати.

— реклама —

Тој истакна дека градот, покрај новогодишното украсување за кое Советот дал поддршка, нема да има дополнителни значајни трошоци и дека целата програма ќе биде реализирана од Државната видеолотарија, на која ѝ се заблагодари за поддршката.

— реклама —

Градоначалникот нагласи дека побарал програмата да биде составена исклучиво од македонски изведувачи.

Меѓу имињата што ги откри се Каролина Гочева, која ја нарече „македонска мега ѕвезда“, Тамара Тодевска, како и повеќе изведувачи на народна музика. Покрај главната прослава, планирана е и детска програма во траење од три до четири дена.

— реклама —

„Сметам дека за скопјани ќе биде од големо значење сите да се собереме и заедно да ја пречекаме Новата година. Сите сте добредојдени, прославата ќе биде во духот на македонската музика“, изјави градоначалникот.

View this post on Instagram