Неодамна Ејџ-би-О Макс го објави вториот трејлер за филмот „Матрикс: Воскреснувања“ (анг. „The Matrix Resurrections“). Тој ги прикажува старите ликови Нео (Кијану Ривс), Тринити (Кери-Ен Мос), но и новите актери како Џесика Хенвик, (Џонатан Гроф и Јахја Абдул-Матин II, кој се чини дека е некоја нова верзија на Морфеј.
Трејлерот вклучува доста нови снимки, но честопати нè навраќа на претходните филмови на Матрикс, особено преку слики од првиот дел. Новата симулација во која се заглавени Нео и Тринити многу наликува на претходната, но со некои чудни отстапувања и промени. Меѓу тие промени се новата верзија на Морфеј на Абдул-Матин II и новата верзија на Агентот Смит на Џонатан Гроф.
Лана Вачовски е режисерката на четвртиот дел од Матрикс, познат уште и како „Матрикс: Воскреснувања“ (анг. „The Matrix Resurrections“). Таа ја режираше и оригиналната трилогија со нејзината сестра Лили. Во филмот играат и Кристина Ричи, Пријанка Чопра Џонас и Џејда Пинкет Смит, повторувајќи ја нејзината улога како Ниобе од оригиналните филмови.
Филмот ќе биде премиерно прикажан на 22 декември, а ќе биде достапен во кината и на HBO Max.
