(Видео) Објавена нова видеоснимка од обидот за атентат врз Трамп: Напаѓачот со пушка во раце поминал покрај обезбедувањето

Американската обвинителка Жанин Ферис Пиро објави видеоснимка на која се гледа како Кол Ален, осомничен за обид за атентат врз американскиот претседател Доналд Трамп, поминува покрај обезбедувањето и агентите на Тајната служба во хотелот „Хилтон“, каде што се одржувала вечера на Здружението на дописници од Белата куќа.

— реклама —

Таа соопшти дека осомничениот бил присутен на истата локација и еден ден пред инцидентот, што дополнително се анализира во рамките на истрагата. Според нејзините изјави, објавениот материјал веќе е доставен до федералниот суд во САД и е дел од доказниот материјал во постапката.

— реклама —

Ален се товари по три точки од обвинението, меѓу кои обид за атентат врз претседател на САД, нелегален транспорт на огнено оружје преку државни граници и употреба на оружје при насилен кривичен чин. Доколку биде прогласен за виновен, му се заканува доживотна затворска казна.

— реклама —

Осомничениот бил совладан и уапсен, а еден припадник на Тајната служба е полесно повреден.