(Видео) Објавени четири снимки од моментот кога беше усмртен Слободан на пешачки кај МНТ

Четири снимки од моментот кога Гордана Филиповиќ со автомобил го усмрти 76-годишниот Слободан Ангеловски на пешачкиот премин кај МНТ се објавени на профил на Инстаграм потпишан како „Јелена Филиповиќ“. Станува збор за снимки кои беа дел од доказниот материјал во судската постапка и беа презентирани во судницата, но досега не беа достапни за јавноста и медиумите.

На една од снимките се гледа моментот на сообраќајната несреќа. Ангеловски го поминува коловозот на обележаниот пешачки премин, минувајќи ги првата и втората сообраќајна лента. Во третата лента се движи белиот автомобил управуван од Филиповиќ, по што доаѓа до ударот.

Неколку секунди подоцна автомобилот застанува и се вклучуваат трепкачите. Филиповиќ излегува од возилото, а од автомобил кој запрел во соседната лента излегува уште едно лице. На фотографиите направени по несреќата се гледа дека телото на Ангеловски останало зад автомобилот на Филиповиќ.

Со објавувањето на снимките, од профилот „Јелена Филиповиќ“ директно се споменува и „Скопје1“, со прашање зошто видеоматеријалот досега не бил објавен во јавноста.

— реклама —

„Се повикувам на објавата на порталот ‘Скопје1’ и сакам да го прашам администраторот – зошто барем еднаш не ја удостои јавноста со снимка од лице место, извадена од камерите на МВР, кои сметам дека треба да се искористат за судски процеси, исто така, не само за пишување казни на граѓаните, а која снимка нему лично му е добро позната“, се наведува во објавата.

Во објавата се тврди дека снимките треба да ѝ овозможат на јавноста самата да го види моментот на несреќата и да формира став за правосилната затворска казна од две години и шест месеци.

„Со снимката луѓето да видат за што се лежи затвор од 2,5 години, а не да даваат коментари и црпат информации од монтирани постови и медиуми, како што е овој на Ландов, и тоа на релација адвокати – медиуми, а притоа да не си грешат душа пред Бога, првенствено. Ви ја пуштив снимката, сами да видите и пресудите, бидејќи решив да ѝ дадам простор на вистината, доста ми е од конструирани предмети и обвиненија“, пишува на профилот.

Во продолжение се поставува и прашањето за правната квалификација на делото.

— реклама —

„И на крај, сакам да ја прашам јавноста и компетентните правници во Македонија и да одговорат дали тие би можеле да постапат на поинаков начин и дали овде има простор да се суди за ‘убиство со умисла’ и во кој дел од снимката тоа го гледа судот?“, се додава во објавата.

Филиповиќ, сепак, не е осудена за кривично дело убиство, туку за тешки дела против безбедноста на луѓето и имотот во сообраќајот со смртни последици. Едно од клучните прашања во судската постапка беше формата на вина. Одбраната тврдеше дека станува збор за небрежност, а не за умисла.

View this post on Instagram

— реклама —

Апелациониот суд во Скопје неодамна ја потврди пресудата со која Филиповиќ е осудена на две години и шест месеци затвор. Со тоа пресудата стана правосилна, повеќе од четири години по сообраќајната несреќа која се случи на 26 јануари 2022 година.

Апелација ги одби и жалбата на одбраната и жалбата на Обвинителството. Одбраната бараше поинаква правна оценка на делото, додека Обвинителството бараше повисока казна.

Првично Филиповиќ беше осудена на три години затвор, но Апелациониот суд ја укина таа пресуда и го врати предметот на повторно судење. Во повторената постапка Основниот кривичен суд Скопје ѝ изрече казна од две години и шест месеци затвор, која потоа беше потврдена од Апелација.

Одбраната во текот на постапката тврдеше дека Филиповиќ не постапувала со умисла, туку дека станува збор за небрежност.

— реклама —

„Обвинетата не го сторила делото со умисла, туку станува збор за небрежно дело, на што упатуваат и ставовите и правната пракса во пресудите на Врховниот суд“, изјави нејзиниот адвокат Владимир Туфегџиќ по првостепената пресуда.

Судот, пак, како значајни ги ценел околностите при приближувањето на Филиповиќ кон обележаниот пешачки премин, меѓу кои и тоа дека возилата во соседните ленти биле запрени, што било сигнал дека пешак минува преку коловозот.

Случајот е од 2022 година.

Филиповиќ ќе лежи 2,5 години затвор за смртното прегазување на пешакот кај МНТ, пресече Апелација

Апелациониот суд ја потврди пресудата со која Гордана Филиповиќ од Куманово е осудена на две години и шест месеци затвор за сообраќајната несреќа кај мостот „Гоце Делчев“ во Скопје, во која загина 76-годишниот пешак Слободан Ангеловски.Со одлуката се одбиени и жалбата на Филиповиќ против првостепената пресуда и жалбата на Обвинителството со која се барала повисока казна. На тој начин останува казната што Основниот кривичен суд Скопје ја изрече во повторената постапка – две години и шест месеци з

Македонија | пред 1 седмица