Украинската јавна телевизија „Суспилне“ објави снимка на која спасувачка екипа извлекува тело од урнатините на станбена зграда во Лавов, западноукраинскиот град кој утрово беше нападнат од Руси со хиперсонични ракети.
Да потсетиме, во рускиот напад утринава врз Лавов загинаа седум цивили, а повеќе од 30 се ранети.
Во Лавов, изјави украинскиот парламентарец Олексиј Гончаренко, речиси цело семејство е убиено. „Русија денеска во Лавов уби речиси цело семејство. Жив е само човекот на оваа фотографија. Неговата сопруга и трите ќерки починаа во својот дом“, напиша тој.
Градоначалникот на Лавов објави дека во рускиот напад загинале мајката на Јевхенија и нејзините три ќерки - Јарина, Дарина и Емилија. Најстарата Емилија имаше само 21 година и работеше во кабинетот на градоначалникот на проектот Лавов - престолнина на младите во 2025 година.
