(Видео) „Ој Mакедонијо, уште колку ќе треба за да те домакедончиме!“, Џамбазов со Гуру Харе им ги раскажа 35 години постоење низ стихови

Актерот и музичар Игор Џамбазов, заедно со Гуру Харе, ја изведе песната „Свои на своите“ на свечената академија по повод 23 Октомври – Денот на македонската револуционерна борба, одржана во Македонскиот народен театар во Скопје.

— реклама —

„И не барајте од мене не да се чувствувам како дел од најдлабокиот и најстар свет, кога Охрид ми е дома, кога Хераклеја ми е дома, кога Виа Игнација, најстариот автопат меѓу петтиот и петнаесеттиот век, поминува покрај куќата на баба ми. Е па, не може баш да е сè кај вас, а ништо кај нас“, порача Џамбазов преку својата изведба.

— реклама —

— реклама —

Настапот беше придружен со претставување на Македонија низ различни историски периоди, поврзувајќи ги музиката, културното наследство и националниот идентитет.

Изведбата беше дел од свечената програма посветена на државниот празник, со кој се одбележува основањето на Македонската револуционерна организација во Солун во 1893 година.