(Видео) Орбан и Зеленски, очи в очи

Унгарскиот премиер Виктор Орбан и украинскиот претседател Володимир Зеленски имаа краток разговор на маргините на самитот на ЕУ во Брисел.

На видеото од салата се гледа како Зеленски седи, додека до него стои претседателот на Европскиот совет во заминување, Шарл Мишел. Во тој момент им приоѓа Орбан и му ја подава раката на Зеленски. Украинскиот лидер потоа станува и се ракува со унгарскиот премиер.

— реклама —

Не се слуша за што точно разговарале Орбан и Зеленски, но од нивните гестови изгледа како емотивно да се вклучиле во разговорот, оценува хрватскиот портал Индекс.

— реклама —

За време на разговорот Зеленски дури ја стави раката на рамото на Орбан, додека Орбан мавташе со рацете речиси во текот на целиот разговор.

Инаку, Украина во четвртокот потпиша договори за безбедност со Европската унија, како и со Литванија и Естонија, додека Унгарија за неколку дена, од 1 јули, ќе го започне шестмесечното претседавање со Советот на Европската унија.

— реклама —

Од почетокот на руската инвазија, Орбан се позиционираше како еден од ретките е-европски сојузници на рускиот претседател Владимир Путин, континуирано противејќи се на испраќањето оружје во Киев. Тој, исто така, ја оспори политиката на воведување санкции кон Русија.

— реклама —