(Видео) Ослободувањето од комуналии за младите парови е дел од изборната програма, а не иницијатива што ја прифатил од друг, тврди Ѓорѓиевски

На дваесет и првата седница на Советот на Град Скопје, градоначалникот Орце Ѓорѓиевски ја образложи мерката за ослободување на младите брачни парови од комуналии при изградба на сопствен дом, нагласувајќи дека таа е дел од неговата изборна програма, а не иницијатива што ја прифатил од друг, како што било претставено во одредени информации.

— реклама —

Ѓорѓиевски потсети дека ваква практика првпат ја вовел во Општина Кисела Вода, каде што младите брачни парови добивале 40 отсто ослободување од надоместокот за уредување на градежното земјиште.

Тој посочи дека проширувањето на оваа поддршка на ниво на Град Скопје е предвидено на 29. страница од неговата програма, под името „Адреса за заеднички дом“. Со мерката се опфатени брачни парови до 40 години кои немаат друг имот, а предвидено е Градот да ги ослободи од 60 отсто од комуналиите при изградба на објект за домување.

— реклама —

Доколку и општината на чие подрачје се гради објектот се согласи да учествува, ослободувањето ќе изнесува дополнителни 40 отсто, односно вкупно 100 отсто.

— реклама —

Градоначалникот оцени дека мерката е инвестиција во демографската обнова, родовата еднаквост и подостапното домување за младите во Скопје. Тој ги повика советниците да го поддржат предлогот, нагласувајќи дека неговото спроведување е усогласено со буџетските проекции и финансиските можности на Градот.

— реклама —