(Видео) Осум загинати во американско-саудиски воздушни напади во Ирак

Осум припадници Ирачките Народни мобилизациски сили (ПМФ) загинале, а четворица се ранети во заеднички воздушни напади извршени од САД и Саудиска Арабија врз нивни позиции во Ирак, соопшти Ирачките Народни мобилизациски сили (ПМФ)

Според „Ал Џезира“, Саудиска Арабија и Централната команда на американската војска (ЦЕНТКОМ) соопштиле дека нападите биле насочени кон проирански милиции кои, според нив, стојат зад неодамнешните напади врз американски војници и саудиска енергетска инфраструктура.

— реклама —

Од саудиското Министерство за одбрана наведоа дека операцијата била изведена како одговор на нападите со беспилотни летала и дека противвоздушната одбрана пресретнала повеќе дронови насочени кон нафтени постројки во Источната Провинција и регионот на Ријад. Оттаму порачаа дека Саудиска Арабија не бара ескалација, но ќе одговори на секоја закана.

— реклама —

Народните мобилизациски сили оценија дека нападите претставуваат сериозно нарушување на суверенитетот на Ирак и напад врз неговите официјални безбедносни институции.

— реклама —

Во меѓувреме, вооружената група „Исламски отпор во Ирак“, која има поддршка од Иран, негираше вмешаност во нападите врз Саудиска Арабија, нарекувајќи ги обвинувањата „измислици“ и предупреди дека секој, како што наведуваат, непромислен потег ќе биде проследен со жесток одговор.

Народните мобилизациски сили со години се предмет на несогласувања меѓу ирачките власти, САД и соседните земји. Иако според ирачкото законодавство се дел од државните безбедносни сили, тие често дејствуваат самостојно, а во минатото беа поврзувани со напади врз американски бази и амбасадата на САД во Багдад.

Во меѓувреме, ирачкиот премиер Али ал Заиди најави посета на Саудиска Арабија, каде што се очекува да разговара и за последните безбедносни случувања во регионот.