(Видео) Ова никогаш не му се случило на Меси – постигна гол за 3:0, а на крајот загуби

Фудбалерите на Орландо Сити го совладаа Интер Мајами на гости со 4:3 во драматичен натпревар од МЛС лигата, во дербито на Флорида, кое донесе еден од најголемите пресврти во последните сезони.

— реклама —

Интер Мајами имаше убедлива предност од 3:0 по погодоците на Јан Фреј во 4. минута, Теласко Сеговија во 25. минута и Лионел Меси во 34. минута, но потоа следуваше целосен пад на играта и неверојатен пресврт на противникот.

— реклама —

Орландо Сити успеа да се врати во натпреварот со голот на Мартин Охеда во 39. минута, а истиот играч во второто полувреме, во 68. и 78. минута, израмни на 3:3 и донесе целосна неизвесност во дербито.

Одлуката за победникот падна во судиското продолжение, кога Тајрис Спенсер погоди за конечни 4:3 и голема победа на Орландо Сити.

— реклама —

Овој резултат претставува тежок удар за Интер Мајами, кој и покрај добриот почеток не успеа да ја задржи предноста, додека Орландо Сити стигна до значајни бодови во табелата на Источната конференција.

— реклама —