(Видео) Пеколна ноќ во Украина: Одеса во пламен по напад со над 100 дронови

Масовен руски напад со дронови ја погоди енергетската инфраструктура во јужна Украина, оставајќи десетици илјади граѓани без електрична енергија.

Според украинското воено воздухопловство, руските сили во текот на ноќта меѓу среда и четврток испукале 112 дронови тип „Шахед“, од кои украинската противвоздушна одбрана обори 87, но 22 сепак ја погодиле целта на 12 различни локации, пренесува The Kyiv Independent. Во нападите загинале најмалку пет цивили, а 19 се повредени.

— реклама —

— реклама —

Страшни снимки доаѓаат од погодените области, каде што по нападите врз пристаништето и енергетските постројки избувнале пожари и се пријавени повеќе повредени.

Пожари избувнаа во две куќи, во административна зграда и на бензинска пумпа. Во пристаништето се запалија резервоари со растително масло и дрвени пелети, изјави гувернерот на регионот, Олег Кипер.

— реклама —

Без електрична енергија останале околу 30.000 жители, а градот Чорноморск бил меѓу најтешко погодените. Таму се пријавени големи оштетувања на куќи и инфраструктура, а речиси целиот град останал без струја.

Нападот е дел од нов бран руски удари врз украинската енергетска мрежа. Последните денови била погодена и централа во Нижинскиот округ, како и објект во градот Прилуки, каде што нема жртви, но над 61.000 лица останале без електрична енергија.