Американската инфлуенсерка Лилијан Дронијак, попозната на социјалните мрежи како „Grandma Droniak“, тврди дека домот за стари лица во кој живее ѝ се заканил со иселување поради поплаки од соседите за бучава и наводни забави во нејзината соба.
Таа на 11 јуни објави видео на TikTok и Instagram, во кое покажа официјално предупредување од управата на домот и порача дека ќе продолжи да се дружи со пријателите бидејќи за престојот плаќа околу 12.000 долари месечно.
Според предупредувањето, ѝ било посочено дека не смее да им служи алкохол на другите станари.
Нејзиниот претставник подоцна соопшти дека ситуацијата е решена и дека управата на домот ѝ дозволила да продолжи со дружењата и во доцните вечерни часови, но со услов да не се служи алкохол.
