ТИКТОК

Лице од БиХ е уапсено откако на социјалните мрежи се заканувало дека ќе убива христијани

Полицијата во Босна и Херцеговина уапси лице кое преку интернет се заканувало дека ќе убива христијани, потврдија денеска од Федерална управа на полицијата.Според соопштението, припадници на Одделот за борба против тероризам постапиле по наредба на Обвинителството на Босна и Херцеговина, откако осомничениот за време на пренос во живо на социјалната мрежа TikTok јавно упатувал закани за насилство, изјавувајќи дека ќе убива христијани.По идентификацијата на сторителот, извршен е претрес во неговиот дом на подрачјето на Зеничко-добојски кантон, при што биле пронајдени и одземени предмети кои ќе бидат предмет на понатамошна криминалистичка обработка. Над осомничениот е спроведена службена постапка, а полициските службеници, во соработка со обвинителството, продолжуваат со активностите за целосно расчистување на случајот.Според важечките закони, ваквите закани може да се квалификуваат како кривично дело загрозување на безбедноста и поттикнување насилство и омраза врз верска основа, за што се предвидени парични или затворски казни.

Свет | пред 6 дена

ЕУ планира да стави крај на бесконечното скролирање

Европската унија планира да стави крај на бесконечното скролирање. Европската комисија првпат се занимава со зависност од социјалните мрежи во рамки на борбата против Тикток, што би можело да постави нови стандарди за дизајнот на најпопуларните апликации во светот. Брисел ја наложи компанијата да ја промени неколку клучни функции, вклучувајќи го онеможувањето на бесконечното скролирање, воведување строги паузи за времето поминато пред екран и промена на системот на препораки, со образложение дека дизајнот на апликацијата создава зависност кај корисниците, особено кај децата, пишува Politico.Ова е првпат Комисијата јасно да ја искаже својата позиција за дизајнот на платформите за социјални мрежи според Законот за дигитални услуги, клучниот закон на ЕУ за интернет содржини. Тикток сега има можност да ја брани својата практика и да ги прегледа доказите што ги собра Комисијата, а компанијата најави дека ќе се бори против овие наоди. Доколку не успее да ја убеди Комисијата, апликацијата се соочува со казни до 6 проценти од годишниот глобален приход.Јан Пенфрат, постар советник за политики во организацијата за граѓански права EDRi, рече дека би било „многу, многу чудно“ ако Комисијата не го искористи ова како преседан и не се обиде да интервенира и кај другите компании.Законот за дигитални услуги им наложува на платформите како Тикток да ги проценат и ублажат ризиците за своите корисници. Сепак, овие ризици во законот се нејасно дефинирани, па досега било неизвесно каде точно регулаторите ќе ја повлечат границата. Две години по започнувањето на истрагата, Комисијата реши да удри во самото срце на дизајнот на платформата, тврдејќи дека тој претставува ризик за менталното здравје на корисниците, особено кај децата.На брифинг со новинарите, комесарот на ЕУ за технологија, Хена Виркунен, рече дека наодите сигнализираат дека работата на Комисијата влегува во нова, зрела фаза кога станува збор за систематските ризици. Facebook и Instagram се под истрага поради зависничкиот дизајн од мај 2024 година, и како кај TikTok, вниманието е насочено кон дизајнот и алгоритмите.

Свет | пред 1 месец

TikTok повторно достапен по неколкудневниот прекин со работа

Популарната платформа TikTok соопшти дека нејзините услуги се целосно обновени по сериозен технички дефект кој погоди милиони корисници во САД за време на изминатата недела.Прекинот, кој започна крајот на јануари, беше предизвикан од прекин на електричната енергија во еден од клучните центри за податоци на компанијата Oracle, а ситуацијата беше дополнително отежната од силното снежно невреме. За време на овој период, корисниците се соочуваа со бројни проблеми: од неможност за поставување нови видеа и пребарување на содржина, до грешки во прикажувањето на бројот на прегледи, кој на многу профили беше на нула.„Успешно ја стабилизиравме нашата инфраструктура во соработка со американските партнери за центри за податоци“, се наведува во официјалното соопштение на ентитетот TikTok USDS. „Сведоци сме на непријатностите што ги предизвика овој прекин и им благодариме на корисниците за трпението додека работевме на решавање на овој сложен проблем.“Иако основните функции сега се оперативни, некои креатори на содржина сè уште пријавуваат помали технички потешкотии, но компанијата уверува дека сите податоци и ангажмани на корисниците (лајкови и следбеници) се безбедни и дека статистиките постепено ќе се ажурираат во целост.Аналитичарите истакнуваат дека овој „инфраструктурен кошмар“ ја покажува ранливоста на новата мрежа сервери на која се потпира TikTok во рамките на своето реструктурирање, но и брзината со која конкурентските платформи почнаа да привлекуваат корисници за време на застојот.

Магазин | пред 1 месец

TikTok преплавен со лажни АИ-видеа: милијарди прегледи за дезинформации и сексуализиран материјал

TikTok се соочува со нов бран на злоупотреби по откритието дека стотици профили масовно објавуваат содржини создадени со вештачка интелигенција, меѓу кои и антиимигрантски видеа, лажни вести и сексуализирани снимки. Според ново истражување на париската организација AI Forensics, само во еден месец овие профили објавиле повеќе од 43.000 видеа и собрале неверојатни 4,5 милијарди прегледи.Истражувањето идентификувало 354 профили кои речиси во целост се потпираат на АИ. Некои објавувале и до 70 видеа дневно, што упатува на автоматизација со цел да се „измами“ алгоритамот и да се произведе вирусен ефект. Повеќето од овие профили се активирани во текот на 2025 година.Голем дел од најактивните канали објавувале сексуализирани видеа со АИ-креирани женски ликови, стереотипно прикажани со провокативна облека и нагласени физички атрибути. Во дел од материјалите биле сексуализирани и ликови што изгледале малолетно. Истовремено, расте бројот на видеа со манипулативни имигрантски наративи и лажни вести, дел од нив визуелно стилизирани како прилози од Sky News или ABC. По пријавите, TikTok дел од нив ги избришал.AI Forensics предупредува дека повеќе од половина од содржината не била означена како АИ-генерирана, а само околу 2% носеле официјална TikTok-ознака – што ја зголемува опасноста од дезинформации и злоупотреби. Неколку десетици профили биле избришани дури по месеци активност, што укажува дека многумина успеваат да ја избегнат модерацијата.Од TikTok тврдат дека извештајот е „неоснован“ и дека се издвоени како пример за проблем кој ја погодува целата индустрија. Од компанијата велат дека редовно отстрануваат штетна АИ-содржина, блокираат создавање на стотици милиони бот-профили и инвестираат во подобрување на системите за означување. Според нивните податоци, платформата веќе регистрирала најмалку 1,3 милијарди АИ-генерирани објави.Сепак, истражувачите предупредуваат дека ваквите видеа можат да влијаат врз јавната перцепција, политичкиот дискурс и безбедноста на ранливи групи, што отвора сериозни прашања за иднината на регулирањето на АИ во социјалните мрежи.

Свет | пред 3 месеци

Пожарот во „Вјесник“ бил дело на TikTok- предизвик

Хрватската полиција поднесе кривична пријава против две лица на 18 години кои се сомничат дека го предизвикале големиот пожар во напуштената зграда на „Вјесник“ во Загреб.Се товарат за „тешки кривични дела против јавната безбедност“, а во врска со кривичното дело „загрозување на животот и имотот со општо опасно дејствие или средство.0Досуден им е еден месец притвор поради ризик од повторуваање на делото.Тие изјавија дека влегле во зградата каде што било скршено стаклото. Се снимале себеси околу зградата и, како што рекле, влегувањето и престојот во зградата било дел од предизвикот на TikTok.Првиот осомничен ја дал својата одбрана за време на испрашувањето, додека вториот осомничен се брани со молчење. Клучните сведоци биле испрашувани преку видео врска.Сведоците рекле дека се дружеле околу „Вјесник” од 17 часот во понеделник. Пиеле и пушеле, а двајцата осомничени им се придружиле кратко пред 22 часот. Тие исто така рекоа дека слушнале двајца обезбедувачи како играат пинг-понг.Тие исто така признале дека гаселе опушоци од цигари насекаде во зградата.

Свет | пред 4 месеци

Четворица малолетници малтретирале врсник и објавиле видео на „ТикТок“

Полицијата во Струмица го расчисти случајот во кој четири малолетни лица насилно се однесувале кон нивен врсник, а видеото од инцидентот го објавиле на социјалната мрежа „ТикТок“.Според информациите од МВР, 42-годишен жител од струмичко пријавил дека пред околу една недела неговиот син бил жртва на насилство од страна на четири малолетници. Настанот бил снимен и споделен јавно на интернет.По пријавата, полицијата од СВР Струмица презела мерки за расчистување на случајот, а инволвираните малолетници биле повикани во станица каде биле извршени службени разговори во присуство на нивните родители.За настанот биле известени Основното јавно обвинителство Струмица и Центарот за социјални работи Струмица.Од Министерството за внатрешни работи информираа дека по целосно документирање на случајот ќе биде поднесен соодветен поднесок по Законот за правда за децата.

Македонија | пред 4 месеци

(Видео) „ТикТок“ снимка откри колкав хаос може да настане со еден клик – секој може да гаси семафори во Скопје?

Видео објавено на „ТикТок“ од булеварот „Партизански одреди“ предизвика бурни реакции, откако во него се гледа како објавувачот, стоејќи покрај отворено сандаче со прекинувач за струја, експериментира со вклучување и исклучување – за да види што ќе се случи со семафорите.Во описот на видеото стои прашањето: „За што служи прекидачов?“, а коментарите под објавата се движат од саркастични до остро предупредувачки.„Ме чуди еден нема од коментарите дека за ова може кривично да одговараш, а најмногу тие што го оставиле отворено! Ќе се помеша тајмерот на семафорите и ќе направиш хаос!“, напиша еден од корисниците.Објавувачот, кој на „ТикТок“ се потпишува како „Катеблане“, се обиде да се оправда, но доби дополнителни предупредувања дека манипулацијата со таков прекинувач претставува кривично дело и може да има сериозни последици.Еден корисник додаде: „Често ги гледам дечиштана од ГУЦ, ќе поминат и еден паметен да се направи фраер, го штрака прекидачот и ги гаси семафорите. Несвесен дека може да предизвика сообраќајна несреќа“.На крајот, објавувачот реагираше со циничен тон: „Не кликам повеќе и ако е толку страшно, залепете ги со супер лепак.“Проблемот со незаштитените сандачиња за семафори не е нов. Пред три години, по трагичната смрт на Викторија Николова кај „Сити мол“, телевизија „Код“ откри дека семафорите биле исклучени преку вакво сандаче, но ниту една институција не презеде одговорност. Тогаш беше утврдено дека овие прекинувачи често се користат од лица што мијат стакла, но и од деца и тинејџери, без никаква контрола.И покрај бројните јавни реакции и апели, отворените електрични сандачиња сè уште стојат на повеќе фреквентни локации низ Скопје, оставајќи ја безбедноста на сообраќајот – во буквална смисла – во рацете на случајни минувачи.

Скопје | пред 4 месеци

„Седи на шанк“: TikTok тренд против заморот од онлајн запознавањето

Генерација Z, изморена од бескрајното „свајпање“ и површни интеракции на апликациите за запознавање, пронајде нов начин за дружење – старомодниот. Трендот „Sit at the Bar September“ (Седи на шанк во септември) стана вирален на TikTok, поттикнувајќи младите да ги исклучат апликациите и да запознаваат луѓе уживо, седнати на шанк во бар.Идејата доаѓа од 86-годишната агентка за недвижнини и TikTok инфлуенсерка Лори Купер, која ги повика своите следбеници овој месец да остават простор за вистински разговори лице в лице.Истражување на MarketWatch покажува дека 80% од корисниците на апликации за запознавање чувствуваат замор, а над половина од младите од Генерација Z признаваат дека постојано или често се чувствуваат исцрпено од апликациите како Tinder, Bumble или Hinge.Трендот привлече и внимание кај баровите – тие би можеле да профитираат од зголемената посетеност и враќањето на живите социјални контакти.Сепак, дел од бармените забележуваат и разлики во однесувањето на младите гости – за разлика од традиционалниот „отворен сметка“ систем, Генерација Z често веднаш го плаќа секое пијалок, што, велат, ја менува динамиката на работа во баровите.

Магазин | пред 5 месеци

САД ќе имаат контрола врз ТикТок: шест од седум директори Американци

Белата куќа соопшти дека тековните преговори со Пекинг предвидуваат во управниот одбор на TikTok во САД да има седум членови, од кои шест ќе бидат Американци.„TikTok ќе биде во мнозинско американско сопствеништво. Во одборот ќе бидат седум членови, од кои шест Американци,“ изјави портпаролката на претседателот, Каролин Левит, за Fox News.Таа додаде дека податоците и приватноста на корисниците ќе ги надгледува американската технолошка компанија Oracle, а алгоритмот исто така ќе биде под контрола на САД.„Сите овие елементи се веќе договорени меѓу странките и останува само формализација,“ рече Левит, истакнувајќи дека тоа се очекува „во наредните денови“.Американскиот претседател Доналд Трамп изјави дека договорот ќе го финализираат „големи американски домољуби, луѓе кои ја сакаат својата земја и се технолошки потковани“. Ден претходно, по телефонски разговор со кинескиот претседател Си Џинпинг, Трамп порача дека потпишувањето на договорот може да биде „пука формалност“.Од кинеска страна, нема официјални коментари по разговорите на двајцата претседатели. Си Џинпинг само апелирал САД да обезбедат „отворена, фер и недискриминирачка бизнис средина за кинеските компании што инвестираат во Америка“.Преговорите се водат во контекст на американскиот закон што предвидуваше забрана за TikTok во САД поради наводни ризици за националната безбедност. Од враќањето на власт, Трамп бара начин апликацијата да остане активна, но со тоа што американските операции би се продале на конзорциум од инвеститори, меѓу кои и неговиот сојузник, Лери Елисон од Oracle.Според пишувањето на Wall Street Journal, американската влада очекува провизија од неколку милијарди долари за нејзината улога како посредник во преговорите.

Свет | пред 6 месеци

Трамп: Си Џинпинг даде зелено светло за продажба на Тикток

Американскиот претседател Доналд Трамп изјави дека кинескиот претседател Си Џинпинг дал зелено светло за продажбата на Тикток на американски купувачи.„Кинескиот претседател го одобри договорот за Тикток“, изјави Трамп пред новинарите во Овалната сала, додавајќи дека „тоа може да биде само формалност“ пред потпишување на конечниот договор.Wall Street Journal објави дека договорот би можел да ѝ донесе на американската влада приход од неколку милијарди долари. Според нивните извори, инвеститорите кои учествуваат во зделката ќе уплатат милијарди во државната благајна како надомест за посредувањето на Вашингтон во преговорите со Пекинг.Reuters засега не успеа да ја потврди веродостојноста на овие информации.

Свет | пред 6 месеци

Трамп и Си разговараа за договор околу „Тик-ток“

Претседателите на САД и Кина, Доналд Трамп и Си Џинпинг, во петокот разговарале телефонски во обид да постигнат договор што ќе овозможи апликацијата TikTok да продолжи да функционира во Америка и да се намалат тензиите во трговскиот спор меѓу двете суперсили, јавија кинеските државни медиуми и американски функционери.Кинеската државна телевизија CCTV не објави детали од разговорот, а од Белата куќа засега не дадоа коментар. Сепак, според извештаите, двете страни постигнале „рамковен“ договор кој би можел да доведе до продажба на американските операции на TikTok на група американски компании.Експерти го оценија можниот договор како „редок пробив“ во трговските преговори меѓу Вашингтон и Пекинг, кој би можел истовремено да стави крај на проблемот што со години е во центарот на вниманието.Трамп претходно изјави дека е постигнат напредок во разговорите и најави дека токму во петок ќе разговара со Си. TikTok, во сопственост на кинеската компанија ByteDance, претходно доби рок да ги продаде своите американски операции или да се соочи со забрана.Американскиот претседател неколку пати ја одложуваше конечната одлука. Последното продолжување на рокот е до 16 декември, а Трамп порача дека наскоро ќе биде соопштено името на потенцијалниот купувач.

Свет | пред 6 месеци

(Ажурирано) На „Тик-ток“ по тепачката се појави и видео со сексуална содржина: го гледаат деца, еве како да ја пријавите

Видеото кое привлече илјадници прегледи и лајкови и има над 15 илјади споделувања и стотици коментари е отсранеото од социјалните мрежи. Целта е секако постигната, но доколку се уште е некаде споделено, да се пријави!По снимката со тепачката, на „Тик-ток“ се појави и снимка со сексуална содржина каде една од главните протагонистки е истата тиктокерка. Снимката е вирална и ја гледаат деца. Доколку Ви се појави, ова е процедурата за „репорт“ односно пријавување.Најчесто, овие содржини ги гледаат најмладите на кои мрежата „Тик-ток“ им е главна занимација. Некои се исмејуваат, други се згрозуваат. Реакција стигна и до нашата редакција. На снимката се гледаат и евидентно малолетни лица кои стојат од страна. Снимката има илјадници прегледи и лајкови, над 15 илјади споделувања и стотици коментари.[caption id="attachment_347496" align="alignnone" width="1192"] Screenshot[/caption]Претходно:

Македонија | пред 6 месеци

„На ТикТок се шири многу опасен Парацетамол предизвик!“, алармира доктор Беќаровски

Докторот-токсиколог Нико Беќаровски алармира дека на „Тикток“ се шири нов опасен предизвик кој го практикуваат младите. Тој сподели објава од швајцарски медиум со наслов „'Парацетамол предизвик' на TikTok ги засега швајцарските лекари“.Од почетокот на оваа година на платформата ТикТок кружи нов многу опасен предизвик меѓу младите, ВНЕСУВАЊЕ НА ГОЛЕМИ ДОЗИ ПАРАЦЕТАМОЛ! Почитувани, колку и да звучи чудно, труењата со парацетамол се меѓу најсмртоносните труења со лекови. Дури и мали дози 10-15 таблети предизвикуваат оштетувања на црниот дроб. 20-40 таблети предизвикуваат сериозни труења и оштетувања на црниот дроб, а труењата со над 50 таблети многу често завршуваат со смрт, дури и при интензивно лекување. Секоја година 30-50% од акутните трансплантации на црниот дроб во САД и Европа се прават поради труења со овој лек! Затоа контролирајте ги вашите деца, рпед да ни се случи нова трагедија! Ако сепак се случи труење а не се поминати 2-4 часа веднаш дадете 10 таблети медицински јаглен и АЦЦ (2 кесички) и веднаш побарајте лекарска помош. Секундите некогаш значат спасен или изгубен млад живот“, напиша докторот.Во новинарската статија на швајцарскиот медиум стои дека неколку кантони во западна Швајцарија предупредуваат на опасниот „Предизвик со парацетамол“ кој моментално неконтролиран на социјалните медиуми како што е ТикТок.„Ова вклучува млади луѓе да се предизвикуваат меѓусебно да земаат високи дози на лекот против болки парацетамол - често со фатални последици. Здравствените власти на кантоните Фрибург, Јура и Вауд во четвртокот го предупредија населението за ризиците од оваа практика. Се повикуваат аптеките да бидат повнимателни при продажбата на овој лек на младите луѓе, објавија кантоните. Парацетамолот е еден од најчесто користените лекови против болки во светот. Активната состојка е содржана во бројни лекови како што се Парацетамол-Мефа, Дафалган, Панадол, Неоцитран, Алгифор и други. Токсичноста на активната состојка може да доведе до тешка хепатална инсуфициенција доколку се користи неправилно и може да биде дури и фатална во случај на предозирање. Првите знаци на труење може да се појават дури 24 до 48 часа по ингестијата. Знаците на труење вклучуваат абдоминална болка, гадење, проблеми со координацијата и жолта кожа. Се чини дека предизвикот за голтање високи дози на лекови против болки е тренд кој се повторува на социјалните мрежи. Неколку европски земји веќе издадоа соодветни предупредувања во летото 2023 година“, стои во објавата на швајцарскиот медиум.

Коментари | пред 1 година

Трамп е во разговори со неколку луѓе за TikTok

Американскиот претседател Доналд Трамп изјави дека е во разговори со повеќе луѓе за купување на TikTok и дека најверојатно ќе донесе одлука за иднината на популарната апликација во следните 30 дена.„Разговарав со многу луѓе за TikTok и има голем интерес за TikTok“, им рече Трамп на новинарите на Air Force One за време на летот за Флорида.Претходно во саботата, Ројтерс објави дека две лица запознаени со дискусиите рекле дека администрацијата на Трамп работи на план за спасување на TikTok што вклучува здружување на софтверската компанија Oracle и група надворешни инвеститори за ефективно да ја преземат контролата врз работењето на апликацијата.Според договорот за кој преговара Белата куќа, кинескиот сопственик на TikTok, ByteDance, ќе го задржи уделот во компанијата, но собирањето податоци и ажурирањата на софтверот ќе бидат надгледувани од Oracle, кој веќе го формира столбот на веб-инфраструктурата на TikTok, изворите изјави за Ројтерс.Сепак, во своите коментари за новинарите за време на летот, Трамп рече дека не разговарал со Лери Елисон од Oracle за купување на апликацијата.Запрашан дали склучува договор со Oracle и други инвеститори за да го спаси TikTok, Трамп рече: „Не, не Oracle. Голем број луѓе разговараат со мене, многу важни луѓе, за купување и јас ќе ја донесам таа одлука веројатно во следните 30 дена."Трамп претходно рече дека „би сакал Соединетите држави да имаат 50% сопственичка позиција во заедничко вложување“ во TikTok.Американскиот претседател во саботата на летот на Ер Форс 1 рече дека Јордан и Египет треба да земат повеќе Палестинци од Газа, каде израелската војна против Хамас предизвика хуманитарна криза.„Му реков дека би сакал да земе повеќе затоа што го гледам целиот Појас Газа во моментов и тоа е хаос, вистински хаос. Би сакал тој да ги земе луѓето“, рече Трамп за неговиот разговор во саботата со кралот на Јордан. Абдулах.„Би сакал Египет да го земе народот“, им рече Трамп на новинарите, додавајќи дека во недела ќе разговара со египетскиот претседател Абдел Фатах ал Сиси.Израел ја започна својата кампања во Газа по нападот на Хамас на 7 октомври, кога милитантите убија 1.200 луѓе и зедоа повеќе од 250 заложници во Газа, според израелските податоци. Оттогаш, израелската кампања убила повеќе од 47.000 Палестинци во Газа, според тамошните здравствени власти. Во борбите за Газа загинаа и повеќе од 400 израелски војници.

Свет | пред 1 година

Трамп ја одложи забраната за TikTok: „Не сум одлучил дали да се продаде или да го затворам“

Американскиот претседател, Доналд Трамп, вчера потпиша извршна наредба со која бара одложување од 75 дена во спроведувањето на забраната за популарната кинеска видео апликација TikTok. Апликацијата мораше да престане да работи на 19-ти јануари според законот и беше недостапна за Американците.Наредбата го упатува јавниот обвинител да не го спроведува законот со цел „да ѝ се даде можност на администрацијата на Трамп да одреди соодветен курс на дејствување во врска со TikTok“.Новиот американски претседател, исто така, му наложи на Министерството за правда да испрати писма до компании како Apple, Alphabet's Google и Oracle кои работат со TikTok „во кои се наведува дека нема прекршување на прописите и дека нема одговорност за какво било однесување што се случува во горенаведениот период“.На прашањето каков е ефектот на регулативата на TikTok, Трамп рече: „Тоа само ми даде право да го продадам или да го затворам“, додавајќи дека мора да донесе одлука.Судот пресуди дека TikTok мора да биде продаден или забранет.Врховниот суд на САД во петокот го потврди законот со кој се бара ByteDance, сопственикот на TikTok, да ја продаде популарната апликација што ја користат речиси половина Американци или ќе се соочи со забрана во земјата од 19 јануари поради загриженост за националната безбедност.ByteDance моментално одбива да го продаде својот деловен скапоцен камен, иако се јавија неколку инвеститори.TikTok е една од најпопуларните социјални мрежи во САД, која ја користат околу 170 милиони Американци, или околу половина од вкупното население, вклучително и многу млади луѓе.Фактот дека TikTok е во кинеска сопственост со години ги загрижува американските власти.„Сериозна закана за американската национална безбедност“.САД веруваат дека кинеската контрола врз TikTok претставува „сериозна закана“ за националната безбедност на САД и дека Кина се обидува да собере огромни количини на чувствителни податоци за Американците, за тајно да манипулира со јавното мислење и тврди дека Кина ги принудува компаниите како ByteDance, тајно да ги предадат податоците на корисниците на социјалните мрежи и да ги спроведат директивите на кинеската влада.Огромната база на податоци на TikTok, веруваат САД, е моќна алатка што кинеската влада би можела да ја користи за вознемирување, регрутирање и шпионажа и дека Кина „може да го користи TikTok како оружје за да им наштети на САД“.Предлог-законот за забрана на TikTok, освен ако не се продаде на американски корисник, беше усвоен во Конгресот минатата година со двопартиски гласови.

Магазин | пред 1 година

Нема фотографија

Тикток: Утре престануваме со работа, само Бајден може да го спречи тоа

Тикток синоќа предупреди дека ќе биде принуден да престане со работа утре, освен ако администрацијата на претседателот Џо Бајден не обезбеди гаранции за компаниите како што се Apple и Google дека нема да се соочат со извршни дејствија кога американската забрана за платформата стапи на сила.Изјавата дојде неколку часа откако Врховниот суд го потврди законот со кој се забранува Тикток во Соединетите држави поради национална безбедност, освен ако кинеската матична компанија ByteDance не го продаде на одобрен американски купувач, што тој продолжува да го одбива.Со оваа одлука, популарната апликација за кратко видео е во опасност утре да исчезне.Apple, Google, Oracle од Alphabet и други би можеле да се соочат со огромни казни доколку продолжат да обезбедуваат услуги на TikTok по стапувањето на сила на забраната.„Ако администрацијата на Бајден веднаш не даде дефинитивна изјава за да ги задоволи најкритичните даватели на услуги кои гарантираат неисполнување, TikTok за жал ќе биде принуден да прекине со работа на 19 јануари“, соопшти компанијата.Судската одлука ја фрла платформата и нејзините 170 милиони американски корисници во неизвесност и ја става нејзината судбина во рацете на Доналд Трамп, кој вети дека ќе го спаси Тикток откако ќе се врати на претседателската функција во понеделник.Извршниот директор на Тикток, Шоу Зи Чу, му се заблагодари на новоизбраниот претседател Трамп за неговата поддршка во обидот да се најде начин да се одржи апликацијата легална во видео пораката објавена на платформата по одлуката на Врховниот суд со која се поддржува американскиот закон кој се заканува да ја забрани апликацијата.„Во име на сите во TikTok и на сите наши корисници ширум земјата, сакам да му се заблагодарам на претседателот Трамп за неговата посветеност да работи со нас за да најдеме решенија што ќе го одржат Тикток достапен во Соединетите држави“, рече Чу. „Ова е силен став за Првиот амандман и против произволната цензура“, додаде тој.

Свет | пред 1 година

Нема фотографија

Повеќе американски лидери бараат одложување на забраната на TikTok: „Милиони живеат од тоа“

Се поголем број американски официјални лица веруваат дека на кинескиот сопственик на TikTok треба да му се даде повеќе време да ја продаде апликацијата и да ја спречи нејзината забрана пред новоизбраниот претседател Доналд Трамп да се врати во Белата куќа.Доаѓачкиот советник за национална безбедност на Трамп рече дека новата републиканска администрација ќе ја одржи жива апликацијата за социјални медиуми што ја користат 170 милиони Американци доколку биде постигнат остварлив договор, а лидерот на демократите во Сенатот Чак Шумер го повика претседателот Џо Бајден да одобри одложување од 90 дена за да се спречи TikTok да биде забранет уште во недела.„Ќе преземеме мерки за да го спречиме TikTok да згасне“, изјави американскиот претставник Мајк Волц за Fox News, посочувајќи на одредба во законот што дозволува продолжување од 90 дена доколку има „значителен напредок“ кон продажба.„Во основа му купува време на претседателот Трамп за да продолжи TikTok да работи“, рече Валц, кого Трамп го избра да биде негов советник за национална безбедност.„Ја разгледуваме можноста дека можеме рационално да се обидеме да го решиме овој проблем“, рече во четвртокот демократскиот сенатор Ед Марки.„Јасно е дека е потребно повеќе време за да се најде американски купувач и да не се нарушат животите и егзистенцијата на милиони Американци, толку многу инфлуенсери кои изградија добра мрежа на следбеници“, рече Шумер.Во април, Конгресот му нареди на ByteDance да го продаде TikTok во рок од 270 дена, повикувајќи се на загриженост за националната безбедност. Министерството за правда овој месец соопшти дека „збирката на чувствителни податоци на TikTok за 170 милиони Американци и нивните контакти претставува моќна алатка за шпионажа“ за Кина.Официјален претставник на Белата куќа вчера изјави дека со крајниот рок на 19 јануари „за време на празничниот викенд еден ден пред инаугурацијата, останува на следната администрација да го спроведе“. Белата куќа претходно соопшти дека Бајден не планира да издаде продолжување.Завчера, Ројтерс објави дека TikTok планира да го запре работењето на својата апликација во САД во недела, кога треба да стапи на сила федералната забрана.

Свет | пред 1 година

Блумберг: Маск го купува американскиот TikTok, ќе го спои со X?

Кинеските официјални лица ја разгледуваат потенцијалната опција која вклучува преземање на операциите на ТикТок во САД на Илон Маск, доколку компанијата не успее да ја одбрани апликацијата од контроверзната забрана, според извори запознаени со дискусиите.Официјални лица во Пекинг силно претпочитаат TikTok да остане во сопственост на матичната компанија ByteDance Ltd., велат изворите, а компанијата ја оспорува претстојната забрана со жалба до Врховниот суд на САД.Но, судиите укажаа на сослушувањето на 10 јануари дека најверојатно ќе го поддржат законот. Високи кинески функционери веќе почнаа да разговараат за резервните планови за TikTok како дел од пошироката дискусија за тоа како да се работи со администрацијата на Доналд Трамп, со една опција вклучувајќи го и Маск, рекоа изворите, кои зборуваа под услов да останат анонимни поради доверливоста на дискусиите, пишува Блумберг.Потенцијалниот договор со еден од најблиските сојузници на Трамп е многу привлечен за кинеската влада, што може да има влијание врз евентуалната продажба на TikTok, велат изворите. Маск инвестираше повеќе од 250 милиони долари во поддршка на кампањата за реизбор на Трамп и доби важна улога во подобрувањето на владината ефикасност откако републиканците ќе ја преземат власта.Според едно сценарио што го дискутира кинеската влада, Маск, планира „Икс“, порано на „Твитер“, ќе ја преземе контролата врз TikTok US и ќе ги води двата бизниси заедно, велат изворите. TikTok, со повеќе од 170 милиони корисници во САД, може да ги зајакне напорите на X да привлече огласувачи. Маск исто така ја основа xAI, компанија за вештачка интелигенција која може да има корист од големите количини на податоци што ги генерира TikTok.Кинеските власти допрва треба да постигнат консензус за тоа како да се справат со проблемот, а дискусиите се уште се прелиминарни, велат изворите.Не е јасно колку ByteDance знае за дискусиите на кинеската влада или дали TikTok и Маск биле вклучени во преговорите.

Свет | пред 1 година

Нема фотографија

Трамп сè уште е претпазлив за Кинезите: Тој бара од Врховниот суд да го суспендира законот што може да доведе до забрана на TikTok

Доналд Трамп побара од Врховниот суд на САД да го суспендира федералниот закон за TikTok со кој би се забранила популарната социјална мрежа или ќе наложи присилна продажба, и рече дека како претседател ќе бара „политичко решение“ за проблемот.TikTok и неговиот сопственик ByteDance се борат да ја задржат популарната апликација достапна во САД, откако Конгресот гласаше да се забрани во април, освен ако кинеската матична компанија не го продаде TikTok до 19 јануари.Тие побараа да се укине тој закон, а Врховниот суд се согласи да го разгледа случајот. Меѓутоа, доколку судот не пресуди во корист на ByteDance и продажбата не се случи, апликацијата би можела да биде забранета во САД на 19 јануари, ден пред Трамп да ја преземе функцијата.„Овој случај претставува невидена, нова и сложена тензија помеѓу правото на слобода на говор, од една страна, и загриженоста за надворешната политика и националната безбедност, од друга“, рече Трамп во петокот.Трамп на почетокот на оваа недела укажа дека го поддржува дозволувањето на TikTok да продолжи да работи во САД барем на некое време, истакнувајќи дека имал милијарди прегледи на социјалната мрежа за време на неговата претседателска кампања.Американското Министерство за правда тврди дека кинеската контрола над ТикТок претставува постојана закана за националната безбедност.TikTok тврди дека Министерството за правда погрешно ги претставило врските на социјалната мрежа со Кина, тврдејќи дека нејзиниот алгоритам за препораки за содржина и корисничките податоци се зачувани во САД на облак сервери управувани од Oracle, додека одлуките за умереност на содржината што ги засегаат американските корисници се носат и во САД.

Свет | пред 1 година

Нема фотографија

Американскиот суд го одби барањето на Тикток за привремена суспензија

Американскиот апелационен суд во петокот ја отфрли брзата понуда на TikTok, привремено да го блокира законодавството со кое би се барало од нејзиниот издавач компанија ByteDance, да се откаже од апликацијата за кратки видеа до 19 јануари или да се соочи со забрана.TikTok и ByteDance во понеделникот поднесоа итен предлог до Апелациониот суд на САД за округот Колумбија, барајќи повеќе време да го изнесат својот случај до Врховниот суд на САД.Компаниите предупредија дека без судски спор, законот ќе го „исклучи TikTok – една од најпопуларните гласовни платформи во земјата – за повеќе од 170 милиони домашни корисници месечно“.

Свет | пред 1 година

Нема фотографија

Можеби ќе се забранат телефони во училиштата, по „Тик-ток“ трендот каде има повредени

Министерката Весна Јаневска упати повик кон учениците, родителите и наставниците, децата да се насочуваат кон поинакви, образовни предизвици. Ова доаѓа откако започна тик-ток тренд од кој 11 деца биле поврени само во Скопје, а истото се случува и ширум светот.„Ги повикувам средношколците наместо да имаат Тик-ток натпревари, да се насочат на натпревари во образованието и науката. Телефоните ние во училиштата можеме и да ги забраниме, но тие ќе им бидат достапни дома, во маало и во други средини. Децата треба предизвици да прифаќаат во образование и наука, а нивните родители заедно со наставниците да ги насочат кон тоа“, изјави министерката за образование и наука Весна Јаневска.Од 11-те деца кои досега завршиле во градската болница во Скопје, повеќето се со набиеници, но две од нив завршиле и со скршени раце.

Македонија | пред 1 година

На TikTok му се заканува забрана: Трамп може да влијае на судбината на популарната платформа

Федералниот апелационен суд во петокот застана на страната на Министерството за правда и го потврди законот со кој би се забранил TikTok во САД доколку апликацијата за споделување видео не се продаде до 19 јануари.Панелот од тројца судии на Апелацискиот суд за округот Колумбија ги отфрли претставките за блокирање на законот поднесен од TikTok, нејзината матична компанија ByteDance и групите креатори, пишува Politico.„Заклучуваме дека деловите од Законот кои подносителите имаат право да ги оспорат, т.е. одредбите кои се однесуваат на TikTok и сродните правни лица издржуваат уставна контрола. Затоа, ние ги отфрламе петициите“, напиша Роналд Реган назначениот судија Даглас Гинсбург во мислењето на мнозинството.Забраната стапува на сила ден пред инаугурацијата на Доналд Трамп. За време на кампањата, Трамп вети дека ќе го „спаси ТикТок“, што го става во позиција евентуално да го брани законот на кој се противел. Транзицискиот тим на Трамп не одговори веднаш на прашањата за неговите планови.TikTok веднаш не ја коментираше пресудата. Ако TikTok одлучи да поднесе жалба - пред поголема судска комисија или Врховен суд - спорот може да се одолговлекува, што претставува историски удар за технолошките врски со Кина и потенцијално далекусежни последици за дигиталната слобода на говорот.Пресудата на 92 страници доаѓа повеќе од седум месеци откако TikTok, ByteDance и други групи поднесоа тужба во мај за блокирање на законот, тврдејќи дека законот ја задушува слободата на говорот со забрана на платформа што ја користи повеќе од половина од американското население.

Скопје | пред 1 година

(Видео) 11 деца повредени од тик-ток тренд во Скопје, двајца со скршеници

„Тик-ток“ предизвикот наречен „Супермен“ кој се атрактивен во Скопје и Македонија, донесе први деца кои се повредени. За четири дена, најмалку 11 деца, од кои најмладиот има 10 години завршија во стара-градска болница, сега Универзитетската клиника за хируршки болести „Свети Наум Охридски“.„Скопје1“ веќе објави и видео од скопското средно училиште „Здравко Цветковски-ГУЦ“, на кое се гледа како овој предизвик се прави во школски двор. Сите 11 деца кои биле повредени се пуштени на домашно лекување, а две деца се имобилизирани оти имале и скршеници. Највозрасниот од учениците имаат 16 години.Видеото кое беше испратено до редакцијата на „Скопје1“ е од дворот на средното училиште ГУЦ Здравко Цветковски во Скопје.

Скопје | пред 1 година

(Видео) Над 20 деца завршија во болница во Романија, по тик-ток трендот „супермен“ кој се шири во Македонија

Десетици тинејџери во Романија претрпеа скршеници и тешки трауми по новиот опасен тренд кој се појави на социјалната мрежа Тикток наречен „Супермен предизвик“, истиот кој се забележува и во Македонија. „Скопје1“ веќе објави дека ваков опасен тренд е снимен во училишниот двор на скопско ГУЦ. Засега не е познато дали има повредени лица при снимањето на овој тренд кај нас, но во Романија, за еден ден, имало повеќе интервенции, а две деца завршиле и на операции.Опасниот предизвик „Супермен“ на Тикток веќе донесе најмалку 19 деца и тинејџери во израелските болници, со повреди кои се движат од фрактури и потреси до губење на свеста. Лекарите предупредуваат на ризици опасни по живот, повикувајќи ги родителите и тинејџерите да избегнуваат имитирање на опасни трендови на интернет.„Беше страшно – ме фрлија навистина високо, паднав, не реагирав и веднаш се онесвестив“, рече Ноа, 12-годишно девојче кое доживеа потрес на мозокот од пад и изгуби свест. Таа беше подложена на серија медицински тестови во детскиот медицински центар Шнајдер.Поради ова во соседна Албанија се вклучи алармот. Тамошната Управа за аудиовизуелни медиуми (АМА), испрати предупредување за родителите и тинејџерите да не наседнуваат на опасниот тренд.„Предизвикот е да скокнете напред со испружена рака, како стрип ликот Супермен, за да бидете фатени или не, од пријателите. Од опасната „игра“ во еден ден, повеќе од 20 тинејџери завршија во болница со тешки повреди. Освен што го ризикуваат здравјето и често животот, за тинејџерите нема ништо забавно“, стои во предупредувањето на претседателката на АМА Армела Красниќи.Во Македонија, засега нема реакции, но има вакви видеа на социјалните мрежа кои се вирални.

Свет | пред 1 година

TikTok укинува стотици работни места и се потпира на вештачката интелигенција

Социјалната мрежа TikTok во петокот објави дека укинува стотици работни места ширум светот, особено во Малезија, префрлајќи ги ресурсите кон автоматизирани решенија како што е вештачката интелигенција (AI) за да ја ублажи својата содржина.Платформата, во сопственост на кинеската компанија ByteDance, сепак, не даде детали за планираните отпуштања по земја.Портпаролот објасни дека ова е поддршка на напорите на TikTok кон подобра содржина објавена на Интернет, особено потпирајќи се на „автоматизирани“ решенија.Според овој извор, најмалку околу 500 позиции се потенцијално погодени во Малезија.На својата страница, во белешка од ноември 2023 година, TikTok рече дека има „илјадници вработени“ на „шест континенти“ без дополнителни детали.„Планираме да инвестираме 2 милијарди долари (1,8 милијарди евра) на глобално ниво во доверба и безбедност само во 2024 година и да продолжиме да ја подобруваме ефективноста на нашите напори. Околу 80 отсто од содржината што ги прекршува правилата сега е избришана со автоматизирани технологии“, додаваат оттаму.Платформата за кратко видео користи комбинација од човечки модератори и алатки за автоматско откривање за да ја анализира содржината објавена од корисниците и да ја отстрани кога е потребно.Најавите доаѓаат откако технолошките гиганти се соочуваат со построги регулативи во Малезија.Малезиската влада бара социјалните мрежи да добијат лиценца за работа, со цел да се бори против растечкиот сајбер криминал.

Магазин | пред 1 година