Четворица малолетници малтретирале врсник и објавиле видео на „ТикТок“

Полицијата во Струмица го расчисти случајот во кој четири малолетни лица насилно се однесувале кон нивен врсник, а видеото од инцидентот го објавиле на социјалната мрежа „ТикТок“.

— реклама —

Според информациите од МВР, 42-годишен жител од струмичко пријавил дека пред околу една недела неговиот син бил жртва на насилство од страна на четири малолетници. Настанот бил снимен и споделен јавно на интернет.

— реклама —

По пријавата, полицијата од СВР Струмица презела мерки за расчистување на случајот, а инволвираните малолетници биле повикани во станица каде биле извршени службени разговори во присуство на нивните родители.

— реклама —

За настанот биле известени Основното јавно обвинителство Струмица и Центарот за социјални работи Струмица.

— реклама —

Од Министерството за внатрешни работи информираа дека по целосно документирање на случајот ќе биде поднесен соодветен поднесок по Законот за правда за децата.