Последната песна на Мерима Његомир, која ја сними во дует со групата „Легенде“, е објавена еден ден пред смртта на пејачката. Песната „Љубовта трае“ беше објавена на 19 ноември на Јутјуб каналот на Радио телевизија Србија.
„Многу нè радува оваа соработка, која ја договаравме со големо внимание бидејќи Мерима е докажана музичка легенда и голем познавач на музиката. Верувам дека на публиката песната ќе ѝ се допадне колку и на нас“, рекол авторот на песната Зоран Дашиќ пред промоцијата.
Фронтменот на „Легенде“ открил дека песната „Љубовта трае“ е објавена на Јутјуб по желба на ќерката на Мерима. Песната била снимена уште летото, и иако се договарале да направат спот, никогаш не го снимиле.
„Оваа песна е круна на нашето пријателство, а ја објавивме по желба на ќерката на Мерима. Сакавме да снимиме видео, но еден месец откако песната беше готова, дознавме дека Мерима има рак. Тогаш ми рече: ‘Ма ќе застанам јас на нозе, таман снимањето ќе ми дојде како релаксација од сето ова. За среќа, таа дојде да нè изненади на снимањето на емисијата во РТС, ја отпеавме песната и ете, тоа ќе ни остане како најубав спомен“, рекол Дашиќ.
