(Видео) Пратениците јадат бифтек за 160 денари, а на студентите им објаснуваат што можат да купат со 140 денари: Ходаи со критика за студентскиот оброк

Поранешниот претседател на Сојузот на средношколци на Македонија, Бленди Ходаи, остро реагираше на висината на средствата наменети за студентски оброк, посочувајќи дека пратениците и владините функционери треба самите да покажат како може да се помине со дневниот износ што им е на располагање на студентите.

— реклама —

„Нека ги отворат бифеата во Собранието и во Владата, нека јадат студентите со 160 денари бифтек, како што јадат пратениците, па потоа нека зборуваат што може да се купи со 140 денари“, порача Ходаи.

— реклама —

Тој смета дека нема логика студентите да се приспособуваат на ограничениот износ, додека функционерите имаат бројни поволности.

Тој додаде дека евентуалното префрлање на исплатата преку системот М-услуги може да се разгледува за следната академска година, но смета дека најпрво треба да се реши проблемот со висината на средствата.

— реклама —

„160 денари за бифтек, а потоа сакаат да им кажуваат на студентите како и на што можат да ги трошат парите. Значи, не сме во иста линија. Некои луѓе немаат допир со реалноста“, порача Ходаи.

— реклама —

View this post on Instagram