(Видео) Провалија во срцето на Бангкок, евакуирани граѓани и затворена амбуланта

Во срцето на Бангкок, вчера, дел од улица се урна и создаде голема провалија што ја оштети инфраструктурата и предизвика евакуација на околните објекти.

— реклама —

Иако немаше човечки жртви, три возила беа оштетени. Гувернерот Чадчарт Ситипунт изјави дека уривањето најверојатно е предизвикано од градежни работи на подземна железничка станица во близина.

— реклама —

Снимките од надзорните камери прикажуваат како патот тоне, при што паднаа повеќе електрични столбови и беа оштетени водоводни цевки. Автомобилите на местото на несреќата се обидуваа да ја избегнат провалијата и да се повлечат назад. Еден дел од урнатината заврши непосредно пред полициска станица, откривајќи ја нејзината подземна структура.

Поради безбедносни причини, извршена беше евакуација на полициската станица и неколку околни згради. Болницата која е во непосредна близина ќе биде затворена неколку дена, иако нема оштетувања на главната структура на објектот.

— реклама —

Во погодената област прекинати се снабдувањето со електрична енергија и вода, а екипите на терен работат на итна санација. Властите предупредуваат дека обилните дождови би можеле да предизвикаат дополнителна штета.