(Видео) Прв солистички концерт на Филип Гечовски во спомен на трагично загинатите Петар, Адам, Марко и Ристе

Младиот гитарист Филип Гечовски вечерва во Македонската филхармонија го одржа својот прв солистички концерт, кој го посвети на своите четворица пријатели Петар Миланов, Адам Велков, Марко Ѓорѓиевски и Ристе Велков, кои трагично ги загубија животите во сообраќајна несреќа на скопската обиколница на 21 мај годинава.

— реклама —

Концертот за класична гитара е посветен на нивното сеќавање, како израз на вечна благодарност, пријателство и љубов кон оние што прерано заминаа.

„Бевме со друштвото во Солун, јас, Петар, Адам и пријатели. Секој од нас си даде за задача да исполни некоја желба оваа година, да реализира некој сон, без разлика дали заедно или индивидуално. Мојата желба беше оваа година да одржам концерт, мојот прв солистички концерт.“, раскажува Гечовски.

— реклама —

Тој се присетува и на моментот кога ја споделил својата желба со пријателите, кои долго време го чекале да го направи овој чекор.

— реклама —

„Многу убаво се сеќавам кога ја кажав таа желба, тие ми рекоа: ‘Да го одржиш оваа година, не забушавај затоа што веќе многу долго време те чекаме’“, вели Гечовски.

View this post on Instagram

Гечовски е студент на трета година на Факултетот за музичка уметност во Ниш, каде што со посветеност и постојано усовршување го гради својот уметнички пат и придонесува за афирмација на класичната гитара.