(Видео) Пукање во библиотека во САД, најмалку две лица се убиени

Најмалку две лица загинаа во вооружен напад што се случи во библиотека во градот Чико, во американската сојузна држава Калифорнија, соопшти локалната полиција.

Според информациите на американските медиуми, полицијата реагирала по пријава во која биле пријавени истрели и врисоци што доаѓале од библиотеката.

— реклама —

„Кога полициските службеници влегоа во библиотеката, осомничениот избега низ задниот излез. Дополнителни полициски сили, кои беа распоредени зад објектот, успеаја да го приведат“, изјави началникот на полицијата Били Олдриџ.

Тој посочи дека станува збор за многу трагичен и трауматичен настан за голем број луѓе.

— реклама —

Во инцидентот, едно дете се здобило со полесни повреди и било пренесено во болница.

— реклама —

Полицијата засега не го соопшти идентитетот на осомничениот ниту причините за нападот, но наведе дека се верува оти напаѓачот дејствувал сам.

Имињата на загинатите нема да бидат објавени сè додека не бидат известени нивните најблиски.

— реклама —

По инцидентот, улиците околу библиотеката биле привремено затворени, а властите формирале центар за повторно обединување на семејствата. Граѓаните се повикани да го избегнуваат подрачјето додека трае истрагата.