(Видео) Пукна цевка во зградата на Министерството за образование и ДИК, поплавени простории – водата стигнала до електричната инсталација

Цевка од старата инсталација пукнала во зградата на „Нова Македонија“ во Скопје, каде што се сместени Министерството за образование и наука, Државната изборна комисија и повеќе други државни институции. Водата ги поплавила просториите на катот, а засега не е познато колкава е материјалната штета.

— реклама —

Според информации на „Скопје1“ од местото на настанот, електричната енергија во објектот е исклучена откако водата продрела до дел од електричната инсталација и електричните броила. Струјата е исклучена превентивно, со цел да се спречи поголема хаварија.

— реклама —

Снимките до кои дојде „Скопје1“ покажуваат како вода капе директно во близина и врз делови од електричната инсталација, меѓу кои и склопка за електричен напон.

Иако зградата не е во надлежност на Службата за општи и заеднички работи на Владата (СОЗР), директорот Ивица Томовски за СДК изјавил дека биле испратени екипи за да помогнат во побрзо санирање на состојбата.

— реклама —

Засега нема официјални информации за обемот на штетата, ниту дали повеќе простории се зафатени од водата.

View this post on Instagram