(Видео) Разорни поплави во Кина – најмалку 10 загинати, над 30 исчезнати

Најмалку десет лица загинаа, а 33 се водат како исчезнати поради силните поплави што го зафатија северозападот на Кина, јави државната новинска агенција Xinhua, повикувајќи се на локалните власти.

Поројните дождови започнале во четврток навечер и предизвикале бујични поплави во округот Јужонг, во провинцијата Гансу. Според покраинската влада, до пладне во петок, во делови од округот наврнале околу 220 милиметри дожд.

— реклама —

— реклама —

Властите соопштија дека осум населени места се сериозно погодени, а поплавите ја оштетиле инфраструктурата – вклучително и патиштата и снабдувањето со електрична енергија. Досега биле спасени околу 10.000 луѓе. Издадено е највисоко ниво на предупредување за можни свлечишта.

— реклама —

Силните врнежи предизвикаа проблеми и во други делови на Кина. Во Гуангжу, на југот на земјата, седум лица загинаа во средата кога свлечиште, предизвикано од поплава, затрупа куќи во округот Бајјун. Минатата недела, најмалку 60 лица загинаа во Пекинг и околината како последица на обилни дождови.

Во градот Женгжу, локалните власти суспендираа работа, настава, јавен превоз и активности на отворено поради силното невреме и нови поплави.

— реклама —