Рускиот борбен патролен ледоломец „Иван Папањин“, кој е дел од Северната флота, исплови во Баренцовото Море со цел изведување воена вежба, соопшти денеска корпорацијата „Обединета бродоградба“ (ОСК).
Во соопштението се наведува дека екипажот на бродот вежбал соработка со бродски хеликоптери „Ка-27“ во сложени метеоролошки услови, пренесува агенцијата „Интерфакс“.
Според податоците на ОСК, патролниот брод од класата „Иван Папањин“ е водечки примерок од проектот 23550 на конструкторското биро „ОСК Алмаз“, изграден во бродоградилиштата на корпорацијата.
Бродот е наменет за заштита на подрачјата на поморската економска дејност и пловидбата на руската флота во арктичката зона.
