(Видео) Русија на колена, „Фламинго“ напаѓа – има мртви

Украинските сили извршиле серија ракетни напади врз цели во Русија, вклучително и објекти од воено-индустрискиот комплекс во градот Чебоксари, соопшти украинскиот претседател Володимир Зеленски.

Во објава на социјалните мрежи, Зеленски наведе дека станува збор за крстосувачки ракети со долг дострел, познати како „Фламинго“, кои прелетале повеќе од 1.500 километри и погодиле фабрика што, според него, произведува компоненти за руската воена индустрија, вклучувајќи опрема за морнарицата, авијацијата и оклопните возила.

— реклама —

— реклама —

Тој оцени дека нападите се „праведен одговор“ на руските удари врз Украина и повторно ја повика Москва да ја прекине војната и да се врати на дипломатијата.

„Русија мора да го запре овој конфликт и да се сврти кон вистинска дипломатија. Јасно го изнесовме нашиот предлог“, порача Зеленски.

— реклама —

Нападите се дел од поширока офанзива врз руска територија, при што, според локалните власти, еден град бил погоден дури трипати. Премиерот на Чувашката Република, Сергеј Артамонов, изјави дека се разгледува можноста за прогласување вонредна состојба во регионот.

Засега нема прецизни информации за бројот на жртви и степенот на материјална штета, додека надлежните служби продолжуваат со проценките на терен.