Се појави снимка од апсењето на еден од најпознатите турски стендап-комичари, Дениз Ѓокташ, кој пред неколку дена беше приведен на аеродромот во Истанбул и ставен во притвор под обвинение за поттикнување омраза и нетрпеливост, како и за навреда на турскиот претседател Реџеп Таип Ердоган.
Според обвинителството, спорните делови од неговиот стендап настап, кој на „Јутјуб“ има повеќе од 9,4 милиони прегледи, се однесуваат на Ердоган и на Куранот. Властите соопштија дека добиле 185 пријави поврзани со содржината на видеото.
Ѓокташ пред обвинителот изјавил дека немал намера никого да навреди и отфрлил дека го навредувал претседателот. Тој посочил дека истиот настап го изведувал речиси три години во различни градови низ Турција и дека темата била дел од неговата сатира.
Неговото приведување предизвика реакции кај неговите поддржувачи и организации за заштита на слободата на говорот, кои оценуваат дека станува збор за притисок врз јавните личности и ограничување на слободата на изразување.
Апсењето дојде во период кога турските власти преземаа засилени безбедносни мерки пред самитот на НАТО, при што беа приведени новинари, активисти, адвокати, академици и други јавни личности. Во Анкара беше воведена и забрана за протести до 10 јули.
Организациите за човекови права предупредуваат дека случајот со Ѓокташ е дел од поширок тренд на ограничување на слободата на говорот во Турција, додека здружението Media and Law Studies Association потсети дека сатирата е заштитена со турскиот Устав и со Европската конвенција за човекови права.
Турски комичар приведен по вирален стенд-ап настап
Турските власти денеска го приведоа стенд-ап комичарот Дениз Ѓокташ, откако неговиот настап предизвика бројни реакции и пријави поради наводно навредување на верските чувства.Според турската државна агенција „Анадолија“, Ѓокташ бил приведен на главниот аеродром во Истанбул по враќањето од патување во странство. Приведувањето следува неколку дена откако Обвинителството отвори истрага под сомнение дека јавно ги навредувал верските вредности.Настапот, одржан минатиот месец во Истанбул, беше објавен
Свет | пред 1 ден
