(Видео) Се урна балкон во училиште во Русија, повредени десет ученици

Најмалку десет ученици се повредени откако денеска се урнал балкон во училиште во Севастопол, соопштија руските власти.

— реклама —

Според гувернерот Михаил Развожаев, несреќата се случила на вториот кат од училиштето, кога група ученици излегла на балконот за да се фотографира.

„Според првичните информации, повредени се десет деца кои излегле да се фотографираат“, напиша Развожаев на Телеграм.

— реклама —

На местото веднаш биле испратени екипи на итната помош, а учениците добиле медицинска нега и биле пренесени во болница.

— реклама —

„Децата се здобиле со повреди од различна тежина“, додаде гувернерот.

Тој најави детална истрага за утврдување на причините и околностите за несреќата, додека истражните органи веќе покренале кривична постапка.