Пејачката Марија Шерифовиќ синоќа имаше двојна причина за славење. Таа славеше роденден, но и се израдува на пласманот на Србија на Светско. Таа за момент ја прекина роденденската забава за да го изгледа крајот на натпреварот. По победата над Португалија, Шерифовиќ сврте оро.
Пејачката го снимаше телевизорот додека со гостите скандираа и со нетрпение чекаа судијата да свирне крај. „Ајде брее. Свири крај“, викаше Марија.
За потсетување, српските фудбалери ја победија Португалија со 2:1 во Лисабон и обезбедија директен пласман на Светското првенство кое следната година ќе се игра во Катар.
