Необична испакнатина на задниот дел од оделото на американскиот претседател Доналд Трамп привлече внимание на социјалните мрежи и предизвика нови шпекулации за неговата здравствена состојба.
Необичниот детаљ бил забележан на видео од неговиот настап на Лонг Ајленд, објавено на платформата „Икс“. На снимката се гледа како Трамп се движи од бината кон присутните, додека задниот дел од неговото одело видливо се испакнува, како под облеката да има цврст предмет со правоаголна форма.
Снимката веднаш предизвика различни реакции на социјалните мрежи. Дел од корисниците шпекулираа дека станува збор за медицински уред, додека други се пошегуваа дека претседателот можеби носи пелена за возрасни. Се појавија и коментари дека би можело да станува збор за стомна-кеса или друг медицински помошен уред.
Од Белата куќа засега нема официјално објаснување за необичната испакнатина.
Шпекулациите доаѓаат во период кога здравствената состојба на Трамп повторно е предмет на зголемено внимание. Во јавноста неодамна беа забележани модринки на неговите раце, отоци на нозете и други физички промени, а медиумите следеа и неколку ситуации во кои тој изгледал уморно или заспал за време на јавни настани.
Дополнително внимание предизвика и негов настап на Лонг Ајленд, каде што Трамп не можел веднаш да се сети на името на жена чија кандидатура непосредно претходно ја поддржал за главен обвинител на сојузната држава Њујорк. Тој од говорницата се обидел да ја повика, но нејзиното име не му било веднаш на ум.
Сепак, за испакнатината на оделото не е понудено официјално објаснување, па тврдењата за нејзината причина остануваат само шпекулации.
