(Видео) Силен земјотрес ја погоди Кина: Повредени најмалку 13 лица, евакуирани речиси 200 жители

Силен земјотрес со јачина од 5,5 степени според Рихтеровата скала го погоди округот Гаосјан во градот Јибин, во југозападната кинеска провинција Сечуан, при што најмалку 13 лица се здобиле со полесни повреди.

— реклама —

Според локалните власти, повредените биле згрижени во болница, а 196 жители биле евакуирани и привремено сместени на безбедни локации.

— реклама —

Земјотресот бил регистриран утринава во 00:12 часот по локално време, а епицентарот се наоѓал на длабочина од околу шест километри, соопшти Кинескиот центар за земјотреси.

— реклама —

Локалниот штаб за вонредни состојби информира дека спасувачките и санациските активности се во тек, додека Кинеската администрација за земјотреси активирала трет степен на итен одговор по потресот.

Властите продолжуваат да ја следат состојбата на терен и да ги проценуваат евентуалните материјални штети.