(Видео) Силни експлозии одекнаа низ Крим, избувнаа пожари на повеќе локации

Во текот на ноќта силни експлозии одекнале низ окупираниот украински полуостров Крим, додека на повеќе локации избувнале пожари, пренесуваат украинските медиуми. Поради нападите, Керчкиот мост бил целосно затворен за сообраќај во текот на целата ноќ.

— реклама —

Според информациите објавени од украинскиот медиум „Украинска правда“, повикувајќи се на Телеграм-каналите „Кримски ветер“ и „Супернова+“, удари биле регистрирани во повеќе делови од полуостровот. Анализата на сателитските снимки покажала нови жаришта на нафтениот терминал во Керч, кој гори уште од првиот напад, извршен на 21 јуни.

Пожари биле забележани и во близина на влезот во Керч, како и кај населеното место Бахерове, каде што се распоредени руски противвоздушни системи С-300 и С-400. Нови огнени жаришта биле регистрирани и на нафтениот терминал во пристаништето Кавказ, како и кај железничката станица „Пивденна“ во Керч.

— реклама —

Каналот „Супернова+“ објави дека успешно бил погоден комплексот за претовар и складирање гориво „ТЕС-Терминал“. Руските окупациски власти засега не ги коментирале настаните.

— реклама —

Поради безбедносната состојба, сообраќајот преку Керчкиот мост бил прекинат на 22 јуни во 23:24 часот и повторно воспоставен дури рано утрината на 23 јуни, по повеќе од пет и пол часа прекин.

Во меѓувреме, претседателот на Меџлисот на кримскотатарскиот народ, Рефат Чубаров, повторно ги повика руските државјани кои нелегално престојуваат на окупираниот Крим да го напуштат полуостровот.

Ситуацијата дополнително се усложнува и поради проблемите со снабдувањето. Руските власти вовеле ограничувања за продажба на бензин, при што гориво можат да купуваат само претставници на окупациската администрација. Освен тоа, на делови од Крим се воведени и рестрикции на електричната енергија поради проблеми во снабдувањето.