„Скопје мириса на шампон“ – реченица што пред неколку месеци ја кажа граѓанин во анкета на ТВ Сител додека се миеше плоштадот, деновиве повторно може да стане актуелна.
За време на продолжениот викенд, комуналното претпријатие во Скопје го чисти градот, а се мијат и улици.
Екипи се има на повеќе локации, а се чистат и централните градски површини, меѓу кои плоштадот „Македонија“ и Старата скопска чаршија.
Акцијата доаѓа во период кога, по летните горештини, прашината и зголеменото движење низ градот, чистотата на улиците повторно е една од темите за кои најчесто реагираат скопјани.
