(Видео) Скопје започна акција за садење 3.500 садници, до крајот на сезоната планирани 6.000, најави Ѓорѓиевски

Градот Скопје започна голема акција за обновување на зеленилото, во чии рамки ќе бидат засадени 3.500 садници на јавни површини низ градот. До крајот на сезоната за садење, планирано е бројот да достигне вкупно 6.000 нови садници.

— реклама —

Градоначалникот Орце Ѓорѓиевски истакна дека акцијата опфаќа постојни и нови паркови, зелени површини долж булеварите, како и други јавни простори во сите скопски општини.

Тој нагласи дека секое ново дрво придонесува за почист воздух, повеќе сенка и создавање пријатни места за одмор, прошетки и дружење.

— реклама —

Ѓорѓиевски порача дека грижата за зеленилото и чистотата на градот е еден од неговите приоритети, посочувајќи дека Скопје се сака со конкретни дела.

— реклама —

„Секој засаден корен денес е ветување за поздраво и поубаво утре. Зад нас нека останат дрвја што ќе растат, паркови што ќе живеат и дела што ќе траат. За Скопје што дише. За генерациите што доаѓаат“, изјави градоначалникот.

— реклама —