(Видео) Снимка од драматично спасување во Непал: Двајца извлечени од тунел на хидроцентрала во Расува

Непалската војска објави снимка од драматична спасувачка акција во која двајца мажи биле извлечени од тунел на хидроцентрала во округот Расува, едно од најтешко погодените подрачја по катастрофалните бујични поплави.

На снимката се гледа како војници ги извлекуваат двајцата мажи, целосно прекриени со кал, а потоа ги пренесуваат преку стрмен и лизгав терен исполнет со наноси. Еден од спасените бил носен на грб.

— реклама —

Од војската соопштиле дека акцијата била дополнително отежната поради непристапниот терен и исклучително опасните услови во подрачјето погодено од поплавите.

Непалската војска утрово ги засилила операциите за пребарување и спасување околу хидроенергетските постројки во Расува.

— реклама —

View this post on Instagram

Во овој регион, долж реката Тришули, се наоѓаат повеќе хидроцентрали и проекти во изградба, а поплавите и свлечиштата предизвикале големи штети.

Непалските државни медиуми претходно објавија дека 60 работници од еден хидроенергетски проект во изградба се водат како исчезнати откако бујицата сериозно го оштетила градилиштето.

— реклама —

Во одделен случај, исчезнати се и најмалку девет вработени во две јужнокорејски енергетски компании кои работеле на хидроцентрала покрај реката Тришули.

Округот Расува, кој се наоѓа покрај границата со кинески Тибет, е меѓу најтешко погодените подрачја од катастрофата.

Бујичните поплави, за кои се наведува дека биле предизвикани од уривање на глечер, однеле мостови, патишта и цели населби, поради што до голем број локации може да се стигне само со хеликоптер.

Непалската полиција соопшти дека бројот на загинати се искачил на најмалку 475, додека потрагата по исчезнатите и натаму трае.