(Видео) Солун ќе биде наш и овој продолжен викенд

Продолжениот викенд ги насочи македонските граѓани кон Грција, а зголемениот број возила на граничниот премин Богородица утрово создаде задржувања од околу 40 минути за преминување на границата.

— реклама —

Според информациите од Автомото сојузот на Македонија (АМСМ), на Богородица се бележи зголемена фреквенција на возила, додека на останатите гранични премини од македонска страна нема подолги чекања за влез и излез од државата.

— реклама —

Зголемениот сообраќај кон Грција се совпаѓа со продолжениот викенд по повод 23 Октомври – Денот на македонската револуционерна борба, кој е неработен ден. За дел од граѓаните, трите слободни дена се можност за кратко патување надвор од Македонија.

View this post on Instagram

— реклама —

На патните правци надвор од градските средини, сообраќајот е со умерен интензитет и се одвива непречено, по претежно суви коловози.

Од АМСМ информираат дека засега нема подолги задржувања на другите гранични премини, а возачите кои патуваат кон Грција треба да го имаат предвид зголемениот интензитет на сообраќај на Богородица.