(Видео) Спектакуларно деби на Бобан Илиоски во „Глори 110“, три нокдауни за само 69 секунди

Македонскиот кикбоксер Бобан Илиоски на спектакуларен начин го започна настапот во престижната светска организација „Глори“, откако на настанот „Глори 110“ во Антверпен, Белгија, го нокаутираше Мароканецот Ајмане Латифи уште во првата рунда.

— реклама —

Илиоски настапи во средна категорија и го совлада фаворизираниот противник, кој пред борбата имаше професионален биланс од 21 победа и четири порази.

— реклама —

Македонскиот борец од самиот почеток наметна силно темпо и со прецизни удари трипати го испрати Латифи на подот. По третиот нокдаун, судијата ја прекина борбата, а Илиоски беше прогласен за победник со технички нокаут по само една минута и девет секунди во првата рунда.

— реклама —

Со убедливиот триумф, Илиоски остави одличен впечаток на своето деби во една од најреномираните светски кикбокс-организации и покажа дека може рамноправно да се носи со силни противници на меѓународната сцена.

View this post on Instagram