(Видео) Спречен обид за шверц на накит „Сваровски“ вреден 333.000 денари на скопскиот аеродром

Царинските службеници на граничниот премин Меѓународен аеродром Скопје запленија непријавен накит од брендот „Сваровски“ во вредност од околу 333.000 денари, откриен при контрола на патничка која допатувала со лет од Загреб.

— реклама —

Како што информира Царинската управа, станува збор за македонска државјанка која при влез во државата се упатила кон зелениот канал, наменет за патници кои немаат ништо за пријавување, со цел да избегне плаќање увозни давачки.

— реклама —

При деталната контрола, патничката изјавила дека нема стоки за пријавување. Сепак, по рендгенската проверка и прегледот на багажот, царинските службеници пронашле 23 парчиња накит од брендот „Сваровски“.

— реклама —

Случајот е предаден на Одделението за истраги при Секторот за контрола и истраги на Царинската управа, кое поднело кривична пријава против патничката за кривичното дело „криумчарење“, согласно Кривичниот законик.

View this post on Instagram