(Видео) Спречен шверц на злато на Блаце: Запленет накит вреден 1,5 милиони денари

Мобилен царински тим спречи обид за криумчарење на златен накит и кршено злато во вредност од околу 1,5 милиони денари на граничниот премин Блаце.

— реклама —

Случајот бил откриен при влез во државата, кога инспектори од Одделението за оперативни работи, врз основа на основано сомнение, извршиле детална контрола на возило управувано од македонски државјанин.

— реклама —

При прегледот, царинските службеници пронашле кршено злато и златен накит со вкупна тежина од 324,7 грама. Накитот бил завиткан во црна кеса и сокриен во фиоката под возачкото седиште, со намера нелегално да биде внесен во земјата.

— реклама —

Случајот е предаден на Одделението за истраги, кое против лицето со иницијали И.М. поднело кривична пријава до Основното јавно обвинителство Скопје за кривично дело „криумчарење“, предвидено и казниво согласно Кривичниот законик.

— реклама —

View this post on Instagram