Градоначалникот на Скопје, Орце Ѓорѓиевски, информираше дека во текот на ноќта е реализирана четвртата фаза од дезинсекцијата против комарци на територијата на главниот град.
Акцијата се спроведувала во доцните вечерни часови и траела до рано наутро, при што третирањето било извршено од земја на повеќе локации низ Скопје.
Според Ѓорѓиевски, станува збор за редовна превентивна мерка насочена кон заштита на јавното здравје, намалување на ризикот од ширење заразни болести и обезбедување поквалитетни услови за живот на граѓаните во летниот период.
Дезинсекцијата е реализирана согласно програмата на Град Скопје, законските обврски и препораките содржани во елаборатот изготвен од Центарот за јавно здравје.
Од Градот посочуваат дека навременото третирање е особено важно за спречување на масовна појава на комарци во текот на летната сезона.
Ѓорѓиевски најави дека активностите ќе продолжат и во наредниот период, при што се планирани уште две фази од дезинсекцијата со цел целосна заштита на територијата на Скопје.
