Популарниот јутјубер Стефан Лазаров ја започна новата сезона на „карпул караоке“, во кое ќе гостуваат најпознатите јавни личности од нашата земја, но и соседството.
Прв гостин во новата сезона му беше познатиот српски рапер Газда Паја.
Стефан и Паја разговараа на повеќе теми, а најмногу за музиката, за плановите, за познанството со момците од Два Бона, Слаткар, а раперот откри и кое му е омилено македонско јадење.
„Два Бона и Слаткар ги знам многу одамна, од 2012 година. Тие се преталентирани момци. На почеток публиката не ги препозна, но затоа пак сега се легенди. Ги обожавам“ – вели Газда Паја за македонските рапери.
Тој откри дека кога доаѓа во Македонија најмногу сака да јаде штипска пастрамајлија.
