(Видео) Страшни земјотреси: Регистрирани 6,3 степени

Земјотрес со јачина од 6,3 степени според Рихтеровата скала го погоди утрово источниот дел на кинеската област Тајван, откако земјотрес со јачина од 5,7 степени според Рихтеровата скала ја погоди областа доцна во четвртокот, соопшти тајванската метеоролошка управа.

— реклама —

Епицентарот на земјотресот бил на 34 километри од градот Хуалиен во источен Тајван, на длабочина од 9,7 километри.

Засега нема извештаи за евентуални повредени или материјална штета, а земјотресот се почувствувал и во главниот град на Тајван, Тајпеј, пренесува Ројтерс.

— реклама —

Земјотрес со јачина од 5,7 степени според Рихтеровата скала го погоди североисточниот брег на Тајван доцна во четвртокот.

— реклама —

Тајван се наоѓа во близина на спојот на две тектонски плочи, поради што земјотресите се чести.

Во април, најсилниот земјотрес што го погоди Тајван во последните 25 години, со јачина од 7,4 степени според Рихтеровата скала, загинаа 18, а беа повредени повеќе од 1.100 луѓе.