(Видео) Судир на два трамваја во Германија: Повредени најмалку 25 лица, тројца се во критична состојба

Најмалку 25 лица се повредени, од кои тројца се во критична состојба, во судир на два трамваја што се случи денеска во германскиот град Гелзенкирхен.

— реклама —

Според првичните информации, двата трамваја се движеле еден зад друг во близина на стадионот на Шалке, кога трамвајот што се користел за обука ненадејно закочил, по што патничкиот трамвај удрил во него.

— реклама —

Полицијата соопшти дека седум лица се здобиле со тешки повреди, а тројца од нив се во критична состојба. Повредените добиле лекарска помош на местото на несреќата, додека потешко повредените биле пренесени во болница.

— реклама —

По несреќата, главната градска сообраќајница „Курт Шумахер“ била затворена во двата правци, а подоцна, во попладневните часови, една сообраќајна лента повторно била пуштена во употреба.

Причината за ненадејното сопирање на трамвајот што се користел за обука засега не е позната. На местото на несреќата работи специјализиран истражен тим кој треба да ги утврди околностите под кои дошло до судирот.