(Видео) Свадбата им донесе казни: казнети возачи кои блокирале булевар во Аеродром додека играле оро

Четворица возачи ќе се соочат со глоби откако со своите возила го попречувале сообраќајот на булеварот „Јане Сандански“ во Скопје, информираат од Министерството за внатрешни работи.

— реклама —

По објавувањето на видео во дел од медиумите, на кое се гледа како неколку возила го попречуваат сообраќајот на булеварот, денеска во Одделението за безбедност на патниот сообраќај при СВР Скопје биле повикани четворица возачи.

— реклама —

View this post on Instagram

— реклама —

Станува збор за 28-годишниот Д. Г., кој управувал „ауди“, 25-годишниот М. П., кој возел „БМВ“, 48-годишниот Љ. Б., исто така управувајќи „ауди“, и 23-годишниот С. С., кој управувал „сузуки“. Сите возила биле со скопски регистарски ознаки.

Од МВР информираат дека против возачите се преземени соодветни мерки согласно Законот за безбедност на сообраќајот на патиштата поради сторен сообраќаен прекршок. Тие ќе се соочат со законски предвидените глоби.