(Видео) Темпирана бомба: Огнено торнадо беснее во чернобилската зона

Во зоната на исклучување околу нуклеарната централа во Чернобил, за време на голем шумски пожар, се формираше редок и исклучително опасен природен феномен, огнено торнадо.

Државната служба за вонредни состојби на Украина објави видео од овој настан, соопштувајќи дека пожарникарите и понатаму водат лавовска борба за да спречат ширење на огнот.

— реклама —

Овој настан е повеќе од обичен шумски пожар; тој е сериозно предупредување и потсетување за тоа дека Чернобил сè уште претставува „темпирана бомба“.

— реклама —

Секој пожар во оваа област со себе носи ризик од подигнување на радиоактивните честички што со децении се наоѓаат заробени во почвата и дрвјата, а силниот ветер и огнените вртлози можат да ги пренесат на големи оддалечености.

— реклама —

Овој феномен настанува кога силните удари на ветерот, врелиот воздух, прашината и пламенот ќе се спојат во еден моќен вртлог. Огненото торнадо е разорна сила што ја менува насоката за секунда, го прави однесувањето на огнот непредвидливо и екстремно го отежнува гаснењето.

Пожарите во чернобилската зона избија откако остатоци од руски дронови паднаа на шумското подрачје. Иако надлежните уверуваат дека ситуацијата постојано се следи со помош на дронови и видеонадзор, и дека засега нема опасност пожарот да излезе надвор од границите на зоната, овој инцидент е остар потсетник: опасноста од Чернобил никогаш целосно не исчезна; таа само спие под пепелта.