(Видео) Тешка сообраќајка на излез од Кичево кон Охрид: полиција го обезбедува местото, се создаваат големи колони

Тешка сообраќајна несреќа се случи утринава на излезот од Кичево кон Охрид, поради што сообраќајот на овој фреквентен патен правец се одвива отежнато, а веќе се формираа големи колони од возила.

— реклама —

Според информациите до кои дојде „Скопје1“, во несреќата учествувале две возила. Едното, со кичевски регистарски таблички, по силниот удар излетало од коловозот. Возилото има целосно уништен преден дел и испукана шофершајбна.

— реклама —

Во судирот учествувало и возило „Пежо“, кај кое се активирале воздушните перничиња, а по ударот останало бочно поставено на коловозот.

Засега нема официјални информации за состојбата на патниците и дали има повредени.

— реклама —

View this post on Instagram

Местото на несреќата го обезбедуваат полициски службеници, а „Скопје1“ побара официјални информации од Министерството за внатрешни работи, од каде се очекува соопштение со повеќе детали за околностите под кои се случила несреќата.