(Видео) Тинејџери во САД пиеле алкохол и пукале со играчка пиштол, роботакси ги пријавил во полиција

Двајца 15-годишници беа приведени во американската сојузна држава Калифорнија, откако автономен автомобил на компанијата „Вејмо“ сам ја известил полицијата за нивното однесување.

Според полицијата во Сан Матео, малолетниците пиеле алкохол и испукувале водени топчиња од играчка пиштол додека се возеле во автомобилот без возач.

— реклама —

Откако ги регистрирал случувањата, системот на „Вејмо“ го запрел возилото на паркинг и автоматски ја известил полицијата, која пристигнала на местото и ги привела тинејџерите.

Фотографиите објавени од полицијата покажуваат повеќе полициски службеници кои го опколувале возилото во трговски центар во Сан Матео.

— реклама —

— реклама —

Од полицијата наведоа дека малолетничкото консумирање алкохол и насочувањето дури и на играчка пиштол кон случајни минувачи претставуваат опасно и неодговорно однесување.

Од „Вејмо“ потсетуваат дека нивните автономни возила се опремени со внатрешни камери, а во итни ситуации тимот за поддршка може во живо да ја следи состојбата во возилото.

Компанијата веќе нуди комерцијални услуги со роботакси во неколку американски градови, а најави и проширување на услугата во Европа, почнувајќи од Лондон.