(Видео) Траект се судри со товарен брод во Грција

Траект и товарен брод се судрија утрово во заливот Суда на грчкиот остров Крит, а инцидентот беше снимен на видео.

— реклама —

Според првичните информации, траектот „Елирос“, кој испловувал од пристаништето и е во сопственост на компанијата ANEK Lines, се судрил со товарниот брод „Иосиф К“, кој во тој момент влегувал во заливот.

— реклама —

Судирот се случил нешто по 10 часот по локално време. Во инцидентот нема повредени лица, ниту е забележано загадување на морето.

— реклама —

По несреќата, двата брода се вратени во пристаништето и им е забрането да испловат сè додека надлежните служби не ги завршат инспекциските проверки и не издадат потврди за нивната пловидбена исправност.

— реклама —

Причините за судирот засега не се соопштени, а надлежните органи спроведуваат истрага за околностите под кои дошло до инцидентот.