Американскиот претседател Доналд Трамп повторно се осврна на кошарката и на вечната дилема кој е најдобар кошаркар на сите времиња – Мајкл Џордан или Леброн Џејмс.
За време на разговор со новинари во Белата куќа, Трамп беше прашан кого го избира меѓу двете кошаркарски легенди.
„Мајкл Џордан е мој пријател. Играме голф. Тој е навистина одличен човек. Мислам дека Леброн... можеби е расист. Но, можеби само не го сака Трамп. Не знам. Ги сакам само луѓето што ме сакаат мене, па мојот одговор на вашето прашање е Мајкл Џордан“, изјави Трамп.
Коментарот доаѓа во период кога Леброн Џејмс повторно е во центарот на вниманието поради неговиот трансфер од Лос Анџелес Лејкерс во Филаделфија.
Односите меѓу Трамп и Џејмс одамна се тензични. Кошаркарската ѕвезда во повеќе наврати јавно ја критикуваше политиката на Трамп, особено неговите ставови за расните прашања, а поддржуваше и негови политички противници на изборите во 2016, 2020 и 2024 година.
Трамп, пак, во минатото му возвраќаше со критики и потсмевање кон Леброн преку социјалните мрежи.
Ова е една од најострите изјави на Трамп кон кошаркарот, откако тој сега директно го доведе во прашање неговиот однос кон него.
