(Видео) Трамп шокираше со нова најава: Ормускиот Теснец ќе го прогласи за територија на САД

Американскиот претседател Доналд Трамп изјави дека по завршувањето на војната со Иран и, како што самиот рече, неговиот „пораз“, ќе го прогласи Ормускиот Теснец за територија на Соединетите Американски Држави.

— реклама —

Трамп ова го кажал за време на говор во полициската академија во округот Насау, во Гарден Сити, на Лонг Ајленд. Изјавата ја дал со насмевка, па не е јасно дали станува збор за сериозна најава на политика или провокативна изјава.

„Откако ќе завршиме со поразот на Иран, кој трпи тежок пораз, многу брзо ќе го прогласам Ормускиот Теснец за територија на Соединетите Американски Држави“, рекол Трамп.

— реклама —

Американскиот претседател и претходно тврдеше дека САД имаат „целосна контрола“ врз стратешкиот морски премин. Во објава на својата социјална мрежа напиша дека американската поморска блокада претставува „челичен ѕид“ и дека бродовите не можат да минат без одобрение.

— реклама —

Сепак, Иран ги отфрла тврдењата на Трамп и инсистира дека Ормускиот Теснец е под негова контрола. Сообраќајот низ теснецот во последните денови е речиси целосно запрен, што дополнително ги зголемува тензиите и влијае врз глобалните цени на нафтата.

Изјавата доаѓа во момент кога прашањето за контролата врз Ормускиот Теснец е една од клучните точки во напнатоста меѓу Вашингтон и Техеран. Низ овој теснец пред кризата се одвиваше значаен дел од светската трговија со нафта, па неговото блокирање има директни последици врз глобалниот енергетски пазар.

— реклама —