(Видео) Трамп со нов бран напади кон новинарки во Белата куќа

Американскиот претседател Доналд Трамп продолжи со вербалните напади врз новинарките, а по навредите во последните недели за нивниот изглед, вчера – за време на тркалезна маса во Белата куќа – повторно упати остри зборови, објави HuffPost.

На прашањето на Рејчел Скот од ABC дали е подготвен да ја објави целосната снимка од нападот на 2 септември врз наводни чамци со дрога во Карибите, Трамп ѝ одговори со остар тон.

— реклама —

„Вие сте најнапорната новинарка овде. жасно напорна – всушност ужасна новинарка, и секогаш е исто со вас“, рече тој.

View this post on Instagram

— реклама —

Трамп и министерот за одбрана Пит Хегсет се соочуваат со критики за овој напад, кој дел од аналитичарите го оценуваат како можен воен злостор. Новинарката го потсети Трамп дека претходно рекол оти „нема проблем“ снимката да стане јавна, но тој го негираше тоа и одговори: „Тоа сте го кажале вие. Јас не сум го рекол тоа. Ова е типичен ABC fake news“.

Кога Скот повторно се обиде да постави прашање, Трамп изјави дека одлуката ја препушта на министерот Хегсет и додаде: „Што и да реши Хегсет – добро е за мене“.

— реклама —

Претседателот се нафрли и врз друга новинарка која го праша за дваесет републиканци што најавија дека нема да се кандидираат повторно, дел од нив и поради незадоволство од состојбите во партијата. Трамп возврати со контрапрашање: „Колку демократи се повлекуваат? Како тоа знаете само за републиканци, а не и за демократи?“ Кога новинарката објасни дека се подготвила за прашањето, Трамп ја прекина велејќи: „Не сте подготвени. Требаше да знаете и за демократите“.

Овие испади се надоврзуваат на низа навреди што Трамп ги упати кон новинарките последните недели. На мрежата TruthSocial ја нарече Кајтлан Колинс од CNN „глупава и злобна“ затоа што го прашала за зголемените трошоци за неговата сала за танцување. Претходно, новинарката на New York Times, Кејти Роџерс, ја нарече „грда – и однадвор и одвнатре“, без да го спомене нејзиниот машки колега, коавтор на истиот текст.

Инцидент предизвика и неговиот одговор „Тивко, свињо“ упатен кон Кетрин Луси од Bloomberg во претседателскиот авион Air Force One, кога го прашала за документите на Џефри Епстајн.

На прашање за ваквите изјави, портпаролката на Белата куќа, Каролин Левит, оцени дека новинарите треба да бидат „благодарни што Трамп е искрен и директен, наместо да зборува зад нивни грб“.