(Видео) Трамп: Велат дека Кина нè шпионира, па и ние ги шпионираме нив – не грижете се

Американскиот претседател Доналд Трамп јавно изјави дека САД ги шпионираат Кина и Русија, додавајќи дека американските разузнавачки служби тоа го прават поуспешно од нивните кинески и руски колеги.

Тој ова го кажа на предизборен митинг на Републиканската партија во градот Дубјук, во сојузната држава Ајова, одржан на 1 ноември, два дена пред изборите за американскиот Конгрес.

— реклама —

„Кина нè шпионира. Одговорив: Да, и ние ги шпионираме нив. Не грижете се за тоа“, рече Трамп, додавајќи дека САД ги следат и Кина и Русија, но, како што тврдеше, тоа го прават подобро од нив.

— реклама —

За шпионирањето почна да зборува додека ги коментираше американските воени операции против Иран и тешкотиите на Вашингтон да пронајде ирански претставници со кои би можел да преговара.

Трамп тврдеше дека голем дел од иранските воени капацитети биле уништени, вклучително и бродови, авиони и радарски системи. Тој се пошегува и дека американските напади можеби претерале со ликвидирањето на иранските лидери.

— реклама —

„Тоа е мојот проблем. Можеби малку претеравме со нивните лидери. Немам со кого да разговарам. Се обидувам да најдам некого со кого би можел да разговарам. Никој не сака да биде претседател“, рече Трамп.

— реклама —

На митингот во Ајова тој ги поддржа републиканските кандидати и ги повика гласачите да излезат на изборите, со цел партијата да ја задржи контролата врз Конгресот.